စစ်ကောင်စီနှင့်ပျူများလှုပ်ရှားနေသည့် ရွာကို ကနီအခြေစိုက်တပ်ပေါင်းစုများက ဒရုန်းဖြင့် ဗုံးကြဲ

အကြမ်းဖက်စစ်ကောင်စီနှင့် ပျူစောထီးအများအပြားရှိနေကြသည့် ကျေးရွာပေါ်သို့
ကနီမြို့နယ်အခြေစိုက် ပြည်သူ့မဟာမိတ်တပ်ပေါင်းစုက ဒရုန်းဖြင့် ဗုံးကြဲတိုက်ခိုက်ခဲ့သည်။

အကြမ်းဖက်စစ်ကောင်စီနှင့် ပျူစောထီးအများအပြားလှုပ်ရှားနေသည့် ရေလည်ကျွန်းကျေးရွာကို ယနေ့(ဖေဖော်ဝါရီ ၆ရက်) နံနက် ၁၀နာရီခွဲတွင် ဒရုန်းဖြင့်သုံးကြိမ် ဗုံးကြဲတိုက်ခိုက်ခဲ့သည်ဟု Kani People’s Defense Force – KLG PDFက သတင်းထုတ်ပြန်သည်။

“ရေလည်ကျွန်းက တစ်ရွာလုံး ပျူစောထီး။ အဲတစ်ရွာပဲ ပျူစောထီး။ ကျန်တစ်နယ်လုံးက ပြည်သူ့တော်လှန်ရေးကို ထောက်ခံပြီး စစ်တပ်ကို ချီးရွံသလို ရွံကြတာ”ဟု ကနီမြို့ဒေသခံတစ်ဦးကပြောသည်။

ယနေ့ တိုက်ခိုက်မှုတွင်စစ်ကောင်စီနှင့် ပျူစောထီးများ အထိအခိုက်များခဲ့ပြီး နောက်ဆက်တွဲသတင်းထုတ်ပြန်ပေးမည်ဟုလည်း KLG PDFက အသိပေးထားသည်။

Public Service Announcement