လှိုင်သာယာမြို့နယ်ရှိ စစ်ကောင်စီအောက်စွဲ ပျူစောထီးအဖွဲ့ မိုင်း ၁၂လုံးဖြင့် တိုက်ခိုက်ခံရ

လှိုင်သာယာမြို့နယ်ရှိ အကြမ်းဖက်စစ်ကောင်စီအောက်စွဲ ပျူစောထီးအဖွဲ့တစ်ဖွဲ့ကို အဝေးထိန်းမိုင်းများအသုံး ပြု၍ တိုက်ခိုက်ခဲ့ကြောင်း မြို့ပြပြောက်ကျားတပ်ဖွဲ့ Gods Of Death(HTY)က ထုတ်ပြန်သည်။

ယမန်နေ့(ဖေဖော်ဝါရီ ၉)ည ၈နာရီခန့်က လှိုင်သာယာမြို့နယ် ရွှေလင်ပန်း ‌မြေတိုင်း(၂၃)ရပ်ကွက်ရှိ ပျူစောထီးအဖွဲ့ များကို တော်လှန်ရေးညီနောင်လေးဖွဲ့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။

အဆိုပါတိုက်ခိုက်မှုတွင် အဝေးထိန်းမိုင်း ၁၂လုံးခန့် အသုံးပြုတိုက်ခိုက်ခဲ့ခြင်းဖြစ်ပြီး တိုက်ခိုက်မှုကြောင့် ပျူစောထီးအဖွဲ့ဝင်များထိခိုက်၊ သေဆုံးမှုရှိ၊ မရှိကိုမူ ဖော်ပြထားခြင်း မရှိပေ။

“တော်လှန်ရေးညီအကိုများကိုလည်း လေးစားကျေးဇူး တင်ကြောင်းပြောပါရစေ။ နောက် နောင်မှာလည်း ဆက်လက်တိုက်ခိုက်သွားမှာဖြစ်ပြီး အလံမလ်ိပ် တပ်မခေါက်ဘဲ အဆုံးထိလျှောက်လှမ်းသွားပါမယ်”ဟု G.O.D (HTY)တပ်ဖွဲ့က အသိပေးသည်။

Public Service Announcement

G.O.D(HTY)ပြောက်ကျားတပ်ဖွဲ့အနေဖြင့် တော်လှန်ရေး Mission များကို တရှိန်ထိုးပြုလုပ်တော့မည်ဖြစ်၍ ပြည်သူများအနေဖြင့် မြို့ပြပြောက်ကျားတပ်ဖွဲ့များ၏ တားမြစ်ချက်ကို လိုက်နာပေးကြရန် မေတ္တရပ်ခံထားသည်။