ဗိုလ်ချုပ်​မွေး​နေ့လက်​ဆောင်အဖြစ် စိုင်ပြင်-ဘုတလင်ကြားရှိ စစ်ကာင်စီတန်ပိုစစ်​ဆေး​ရေးဂိတ်ကို​ ဖောက်ခွဲတိုက်ခိုက်

-​ဖေ​ဖော်ဝါရီ ၁၂ကလည်း မုံရွာ-ဘုတလင်ကြားရှိ တိုးဂိတ်ကို​​ တိုက်ခိုက်ခဲ့

ဗိုလ်ချုပ်အောင်ဆန်းအတွက် မွေးနေ့လက်ဆောင်အဖြစ်စိုင်ပြင်နှင့်ဘုတလင်ကြားရှိ စစ်​ကောင်စီ၏တန်ပိုစစ်​ဆေးရေးဂိတ်အား ယနေ့နံနက်ပိုင်း ဖောက်ခွဲတိုက်ခိုက်ခဲ့​ကြောင်းပြည်သူ့ကာကွယ်ရေးအဖွဲ့ ဂဠုန်တပ်တော်က သတင်းထုတ်ပြန်သည်။

ဂဠုန်တပ်တော်၏ ရွှေဘိုခရိုင် ရင်း ၂၂( Galon pdf ရင်း ၄)က အကြမ်းဖကစစ်ကောင်ဟီ၏ ဒေါက်တိုင်ဖြစ်သော စိုင်ပြင်- ဘုတလင်ကြားရှိ စိုင်ပြင်အထွက် တန်ပို ဂိတ်အား ယနေ့ နံနက် ၉နာရီ ၁၅ မိနစ်တွင် ဖောက်ခွဲဖျက်ဆီးလိုက်ခြင်းဖြစ်သည်။

“ဗိုလ်ချုပ်မွေးနေ့၊ ဗိုလ်ချုပ်အတွက် မွေးနေ့လက်ဆောင်” ဟု ဂဠုန်တပ်တော်က ကြေညာပြီး တိုက်ခိုက်ပြီးနောက် အောင်မြင်စွာ ဆုတ်ခွာနိုင်ခဲ့သည်ဟု​ဖော်ပြထားသည်။

Public Service Announcement

တိုက်ခိုက်မှုအပြီး မိနစ်နစ်အနည်းငယ်အကြာတွင် အကြမ်းဖက်စစ်ကောင်စီ၏ ရဟတ်ယာဥ်တစ်စင်း လှည့်ပတ်ပျံဝဲသွားပြီး ဟန်ရေးပြသွားသေးသည်ဟု ဂဠုန်တပ်တော် အဖွဲ့ဝင်တစ်ဦးက ပြောသည်။

ထို့အပြင် ​မုံရွာ-ဘုတလင်ကားလမ်းပေါ်ရှိ အကြမ်းဖက်စစ်ကောင်စီ ဒေါက်တိုင် တိုးလ်ဂိတ်ကို ဖေဖေါ်ဝါရီလ ၁၂ ရက် နံနက် ၁၁ နာရီ ၁၅ မိနစ်တွင် ရန်ကြီးအောင် ဒေသပြည်သူ့ကာကွယ်ရေးတပ်ဖွဲ့က ဖောက်ခွဲတိုက်ခိုက်ခဲ့သည်။ တိုးလ်ဂိတ်ရှိ ဝန်ထမ်းများကို နေရာပြောင်းရွှေ့ပြီး ဖောက်ခွဲတိုက်ခိုက်ခြင်းဖြစ်ကြောင်း၊ ပြည်သူ ထိခိုက်မှုမရှိကြောင်း၊ ရန်ကြီး​အောင် LPDF တပ်ဖွဲ့ဝင်များ အောင်မြင်စွာဆုတ်ခွာနိုင်ခဲ့ကြောင်း YGA-LPDF ကသတင်းထုတ်ပြန်ထားသည်။