လက်ရှိ ဖေဖော်ဝါရီလ ၁၄ ရက်တာအတွင်း စစ်ကောင်စီတပ်တွေ မီးရှို့လို့ ပျက်စီးသွားတဲ့ အိမ်ခြေဟာ အလုံး ၄၅၀၀ ကျော်ရှိပြီလို့သိရပါတယ်။
ဒီစာရင်းဟာ ၂၀၂၂ ခုနှစ် ဖေဖော်ဝါရီလ ၁ ရက်က နေ ဖေဖော်ဝါရီလ ၁၄ ရက်အထိ Data for Myanmar အဖွဲ့က ပြုစုထားတဲ့စာရင်းဖြစ်ပါတယ်။
ဒီလို မီးရှို့တာကို နေရာပေါင်း ၁၄၀ လောက်မှာ စစ်ကောင်စီတပ်တွေ ကျုးလွန်ခဲ့တာဖြစ်ပြီး စစ်ကိုင်းတိုင်းမှာ အများဆုံး ဖြစ်ပျက်ခဲ့တာပါ။
ဒီလအတွင်း မီးရှို့ဖျက်ဆီးခံရတဲ့ နေအိမ်အလုံးပေါင်း ၄၅၀၀ ကျော်ရဲ့ ထက်ဝက်ဟာ စစ်ကိုင်းတိုင်းကဖြစ်ပါတယ်။
Public Service Announcement
စစ်ကိုင်းတိုင်းနောက်မှာတော့ ချင်းပြည်နယ် ၊မကွေးနဲ့ ကယားပြည်နယ်တို့ ရှိနေပါတယ်။
စစ်ကိုင်းတိုင်းမှာတော့ စစ်ကောင်စီတပ်တွေဟာ ရွာလုံးကျွတ်နီးပါး မီးရှို့တာဖြစ်ပါတယ်။ ဒီလို မီးရှို့ခံရတဲ့ ရွာတွေဟာ အိမ်ခြေ ရာနဲ့ချီရှိတဲ့ ရွာကြီးတွေလည်းဖြစ်နေတာတွေ့ရပါတယ်။
စစ်ကိုင်းတိုင်းဟာ စစ်အာဏာသိမ်းမှုကိုအပြင်းထန်ဆုံးဆန့်ကျင်နေတဲ့ဒေသလည်းဖြစ်ပါတယ်။
