စစ်ကောင်စီရဲ့ ဂျက်တိုက်လေယာဉ်တစ်စင်း ဒီနေ့မနက်ပိုင်းက စစ်ကိုင်းတိုင်း ၊ ရေမျက်ကြီးအင်းထဲကို ပျက်ကျသွားတယ်လို့ ဒေသခံတွေဆီကသိရပါတယ်။
လေယာဉ်ပျက်ကျတဲ့သတင်းကို စစ်ကောင်စီဘက်ကလည်း ထုတ်ပြန်ထားတာတွေ့ရပါတယ်။
စစ်ကောင်စီရဲ့ ထုတ်ပြန်ချက်မှာတော့ တံတားဦးလေတပ်စခန်းကနေ လေ့ကျင့်ပျံသန်းနေတဲ့ တိုက်ခိုက်ရေး လေယာဉ်ဟာ ဒီနေ့မနက် ၁၀ နာရီ ၄၃ မိနစ်မှာ ဆက်သွယ်မှု ပြတ်တောက်သွားတယ်လို့ သိရပါတယ်။
လိုက်လံရှာဖွေရာမှာတာ့ စစ်ကိုင်းတိုင်း ၊ အုန်းတောကျေးရွာရဲ့ အရှေ့ဘက်မှာရှိတဲ့ ရေမျက်ကြီးအင်းထဲ စက်ချို့ယွင်းပြီး ပျက်ကျသွားတယ်လို့ စစ်ကောင်စီက ဆိုထားပါတယ်။
Public Service Announcement
ပျက်ကျသွားတဲ့ လေယာဉ်ရဲ့ စစ်ကောင်စီလေယာဉ်မောင်းကိုရှာဖွေကယ်ဆယ်ရေး လုပ်နေတယ်လို့လည်း ဖော်ပြထားတာတွေ့ရပါတယ်။
လေယာဉ်ပျက်ကျတာကိုမြင်လိုက်ရတဲ့ ရွာသားအချို့ ကတော့ လေယာဉ်ဟာ ထိုးစိုက်သွားတာတွေ့ရပြီး မကြာခင်မှာပဲ မီးခိုးလုံးတွေတက်လာတာတွေ့ရတယ်လို့ ပြောကြပါတယ်။
လက်ရှိမှာတော့ လေယာဉ်ပျက်ကျသွားတဲ့နေရာကို မီးသတ်ကားတွေ ၊ ကြက်ခြေနီကားတွေနဲ့ ကယ်ဆယ်ရေးကားတွေသွားရောက်နေတယ်လို့လည်းသိရပါတယ်။
