လေးကေကော်မြို့အနီး ဖလူးကြီးကျေးရွာမှာ ကရင်အမျိုးသားလွတ်မြောက်ရေးတပ်မတော်နဲ့ စစ်ကောင်စီတပ်တို့အကြား မနေ့က တိုက်ပွဲမှာ ရွာသားတစ်ဦးသေဆုံးပြီး အများအပြား ထွက်ပြေးတိမ်းရှောင်ခဲ့ရတယ်လို့ ကရင်လူအခွင့်အရေးအဖွဲ့ KHRG က သတင်းထုတ်ပြန်ပါတယ်။
ကေအဲန်ယူ ဒူးပလာယာခရိုင် ဖလူးကျေးရွာအုပ်စု ဖလူးကြီးကျေးရွာမှာ အခြေချနေတဲ့ စစ်ကောင်စီတပ်ဖွဲ့ဝင်တွေကို KNLA ပူးပေါင်းတပ်ဖွဲ့တို့က ဖေဖေါ်ဝါရီ ၁၆ ရက်က သွားရောက်တိုက်ခိုက်ခဲ့တာပါ။
အဲ့လိုပစ်ခတ်တိုက်ခိုက်မှုကြောင့် ရွာသားတစ်ဦး အပြင်းအထန်ဒဏ်ရာရရှိခဲ့ပြီး သေဆုံးသွားခဲ့ကာ ဘုရားကျောင်းနဲ့ အခြားအရပ်သားအဆောက်အဦးတွေလည်း ထိခိုက်ပျက်စီးသွားခဲ့တယ်လို့ KHRG ရဲ့ထုတ်ပြန်ချက်မှာ ဖော်ပြထားပါတယ်။
တိုက်ပွဲကြောင့် ကျေးရွာထဲမှာကျန်ရှိနေတဲ့ ရွာသားအများအပြားဟာ ဘေးလွတ်ရာကို ထွက်ပြေးတိမ်းရှောင်နေခဲ့ရတယ်လို့ KHRG ထံကနေ သိရပါတယ်။
Public Service Announcement
မနေ့က ဖြစ်ပွါးခဲ့တဲ့တိုက်ပွဲမှာ စစ်အုပ်စုဘက်က အထိနာခဲ့ပြီး လက်နက်ခဲယမ်းတွေ အများအပြားသိမ်းဆည်ရမိခဲ့ကာ စစ်ကောင်စီဘက်က လေကြောင်းနဲ့လာရောက်ပစ်ကူပေးတာတွေ ပြုလုပ်ခဲ့သေးတာဖြစ်ပါတယ်။
