▪️ကလေးများထိခိုက်မည်စိုး၍ ကျောင်းပို့အပြန်မှ တိုက်ခိုက်ခြင်းဟုဆို
ထားဝယ်ခရိုင် ရေဖြုမြို့နယ်တွင် အကြမ်းဖက်စစ်တပ်မိသားစုကျောင်းသားများ ကျောင်းပို့သည့်ယာဥ် အပြန်တွင် မိုင်းခွဲတိုက်ခိုက်ခဲ့ကြောင်း ဒေသခံကာကွယ်ရေးတပ်များက သတင်းထုတ်ပြန်သည်။
ရေဖြူမြို့ မြစ်ကူးတံတားအနီးတွင် ကျောက်ကညာတပ်ရင်းမှ အကြမ်းဖက်စစ်ကောင်စီတပ်မိသားစု၏ ကျောင်းသားများကျောင်းပို့ပြီး ပြန်လာသည့် စစ်ကောင်စီတပ်သား ခြောက်ဦးပါသည့် ယာဉ်ကိုအပြန်နံနက် ၈နာရီခွဲတွင် တိုက်ခိုက်ခဲ့ခြင်းဖြစ်သည်ဟုဒေသခံကာကွယ်ရေးတပ်များက ပြောသည်။
ထိုတိုက်ခိုက်မူကို Launglone People Defence Force (LPDF)နှင့် Dawei Guerrilla Revolutionary Force (DGRF)တို့ ပူးပေါင်းဆောင်ရွက်ခဲ့ခြင်းဖြစ် သည်။
Public Service Announcement
တိုက်ခိုက်မှုအပြီးတွင် စစ်ကောင်စီတပ်သားများက အနီးအနားကို ၁၅မိနစ်ခန့် ရမ်းသမ်းပစ်ခတ်ခဲ့ပြီး လမ်းသွား၊လမ်းလာလူငယ်များကို ရိုက်နှက်မေးမြန်းခဲ့သည်ဟု ဒေသခံများက ပြောသည်။
ထို့အပြင် လမ်းဘေးရှိ ထန်းရည်တဲများကိုလည်း ချက်ချင်းဖျက်ရန်နှင့် မဖျက်ပါက မီးရှို့မည်ဟု ခြိမ်းခြောက်ခဲ့သည်ဟုလည်း ဒေသခံများက ပြောသည်။
ဖောက်ခွဲမှုကြောင့် စစ်ကောင်စီတပ်သားများ ထိခိုက်ဒဏ်ရာရရှိခဲ့ပြီး ၂နာရီခန့်အကြာတွင် အကြမ်းဖက်စစ်သားအပြည့်ပါလာသည့် ကားသုံးစီးဖြင့် ရေဖြူတံတားထိပ်တွင် ပိတ်ဆို့စစ်ဆေးမှုများဆောင်ရွက်ခဲ့သည်ဟု ဒေသခံများထံမှ သိရသည်။
“စစ်သားတွေတော့ ကြီးကြီးမားမားထိခိုက်တာတော့မရှိဘူး။ PDFတွေ ကျောင်းသားကလေးတွေကို ထိခိုက်မှာစိုးလို့ အပြန်မှခွဲတာ”ဟု ဒေသခံတစ်ဦးကပြောသည်။
စစ်ကောင်စီတပ်သား မည်မျှထိခိုက်ဒဏ်ရာရ၊ မည်မျှသေဆုံးသည်ကို စုံစမ်းနေဆဲဖြစ်သည်ဟု လောင်းလုံပြည်သူ့ကာကွယ်ရေးတပ်ဖွဲ့က သတင်းထုတ်ပြန်ထားသည်။
