ချင်းပြည်နယ်၊ ကန်ပက်လက်မြို့နယ်အတွင်းရှိ လောင်းရှည်နှင့်ကျင်ဒွေးလမ်းကို ယနေ့မှစ၍အသုံးမပြုကြရန်ချင်းပြည်နယ်ကာကွယ်ရေးတပ်ကန်ပက်လက်(CDF-ကန်ပက်လက်)ကထုတ်ပြန်ထားသည်။
မကွေးတိုင်း လောင်းရှည်မှချင်းပြည်နယ် ကျင်ဒွေးမြို့သို့သွားလာရာတွင်အသုံးပြုသည့် ထိုလမ်းကို ပြန်လည်သွားလာနိုင်သည့် အချိန်ကို အသိပေးသွားမည်ဟုလည်း CDF-ကန်ပက်လက်က ထုတ်ပြန်ထားသည်။
“မင်းအောင်လှိုင်စစ်တပ်ကဒီလမ်းကိုအသုံးပြုပြီးစစ်ကြောင်းထိုးလာမယ်ကြားလို့”ဟု ဒေသခံတစ်ဦးကပြောသည်။
ဖေဖော်ဝါရီ ၂၀ ရက်မှ ၂၂ ရက်အထိ အကြမ်းဖက်စစ်ကောင်စီနှင့် ဒေသခံကာကွယ်ရေးတပ်တို့ကြား ၃ ရက်ကြာတိုက်ပွဲဖြစ်ပွားပြီး အကြမ်းဖက်စစ်ကောင်စီတပ်သား ၂၁ ဦးသေဆုံးခဲ့သည်။ ထိုတိုက်ပွဲအပြီးတွင် ချင်းပြည်နယ် ကန်ပက်လက်မြို့တွင် တိုက်ပွဲများ တည်ငြိမ်နေခြင်းဖြစ်သည်။ အထက်ပါ
သုံးရက်အတွင်း တိုက်ပွဲများ၄ ကြိမ်ဖြစ်ပွားခဲ့ခြင်းဖြစ်သည်။
Public Service Announcement
ကန်ပက်လက်မြို့နယ်အတွင်းတိုက်ပွဲများမဖြစ်ခင် ကန်ပက်လက်မြို့နယ်အတွင်းရှိ လောင်းရှည်-မဆာတွီ-ကျင်ဒွေး လမ်းမအသုံးပြု၍ သွားလာခြင်းမပြုရန်ရန် ကန်ပက်လက်မြို့နယ် ပြည်သူအုပ်ချုပ်ရေးအဖွဲ့က ဖေဖော်ဝါရီ၁၈ ရက်တွင် ထုတ်ပြန်ခဲ့သည်။
