Connect with us

Hi, what are you looking for?

LuduNwayOo

News

ရန်ကုန်ရှိ Night Club၊ Bar နှင့် KTVများကို တိုက်ခိုက်​သွားမည်ဟု JBF သတိ​ပေး၊ Transporter Barကို သတိ​ပေး တိုက်ခိုက်

“ကျွန်တော်တို့မှာ ရန်သူ့ရဲ့ Power တွေဖြစ်တဲ့ Men Power၊ Material Power ၊Money Power ဒီသုံးခုက အဓိကကျတယ်၊ရန်ကုန်မြို့ရဲ့ Night Club ၊KTVတွေ နဲ့ Bar တွေဟာ အဓိကကျတဲ့ Money Power တွေဖြစ်ပါတယ်။ ဆက်လက်တိုက်ခိုက်သွားဖို့လည်းအစီအစဉ်ရှိပါတယ်။ မနေ့ကတော့ သတိပေးတဲ့ အဆင့်ပဲရှိပါသေးတယ်”ဟု ယင်းတာဝန်ရှိသူက ပြောသည်။

(Transporter Bar၌ သီဆို​​​ဖျော်​ဖြေ​နေသည်ကို ​တွေ့ရစဥ်)

▪️၎င်းဆိုင်များက စစ်​ကောင်စီထံ ​ငွေ​ကြေး​ထောက်ပံ့​ပေး​နေ​သော အဓိက​နေရာဖြစ်၍ ပြည်သူများအ​နေဖြင့် ထို​နေရာများသို့ မသွားကြရန် ​မေတ္တာရပ်ခံ

ရန်ကုန်မြို့ရှိ Night Club ၊ Barနှင့် ‌KTV များသည် အကြမ်းဖက်စစ်ကောင်စီအတွက် ငွေထောက်ပံ့ပေးနေသည့် အဓိကနေရာများဖြစ်သောကြောင့် တိုက်ခိုက်သွားမည်ဟု တရားမျှတမှု ယူဆောင်သူတပ်ဖွဲ့ (Justice Bringer Force -JBF)မှတာဝန်ရှိသူတစ်ဦးက လူထု​နွေဦးမှတဆင့် ပြောကြားသည်။

“ကျွန်တော်တို့မှာ ရန်သူ့ရဲ့ Power တွေဖြစ်တဲ့ Men Power၊ Material Power ၊Money Power ဒီသုံးခုက အဓိကကျတယ်၊ရန်ကုန်မြို့ရဲ့ Night Club ၊KTVတွေ နဲ့ Bar တွေဟာ အဓိကကျတဲ့ Money Power တွေဖြစ်ပါတယ်။ ဆက်လက်တိုက်ခိုက်သွားဖို့လည်းအစီအစဉ်ရှိပါတယ်။ မနေ့ကတော့ သတိပေးတဲ့ အဆင့်ပဲရှိပါသေးတယ်”ဟု ယင်းတာဝန်ရှိသူက ပြောသည်။

JBF အဖွဲ့အနေဖြင့် ဖေဖော်ဝါရီ ၂၈ ရက်ညက တောင်ဥက္ကလာမြို့နယ် ဝေဇယန္တာလမ်းပေါ်ရှိ Transporter Bar ကို သတိပေးသည့်အနေဖြင့် ဗုံးခွဲတိုက်ခိုက်ခဲ့သည်။

“Transporter Bar က စစ်တပ်ထောက်ခံနေတာကြောင့် ကျွန်တော်တို့ တိုက်ခိုက်ခဲ့တာပါ​။ Yangon ရဲ့ Night Life မှာ မူးယစ်ဆေးဝါးတွေ၊ အပျော်အပါးတွေနဲ့ လူငယ်တွေကို တော်လှန်ရေးကို မပါဝင်အောင် ဒီ Bar တွေ Club တွေက Strategy အမျိုးမျိုးနဲ့ ဆွဲဆောင်နေတာကြောင့် တိုက်ခိုက်ခဲ့တာပါ”ဟု ၎င်းက ပြောသည်။

ယင်းတိုက်ခိုက်မှုတွင် ပြည်သူများထိခိုက်မှုမရှိစေရန်ဂရုစိုက် ‌လုပ်ဆောင်ခဲ့ပြီး အကြမ်းဖက်စစ်တပ်အတွက် ငွေကြေးထောက်ပံ့ပေးသည့်နေရာများကို တိုက်ခိုက်မှုများဆက်လက်လုပ်ဆောင်မည်ဖြစ်သောကြောင့် ပြည်သူများအနေဖြင့် ယင်းနေရာများသို့မသွားရန် ၎င်းကမေတ္တာရပ်ခံသည်။

တိုက်ခိုက်ရေးပြုလုပ်သောကုန်ကျစရိတ်များကြောင့် ပြီးခဲ့သည့်ရက်ပိုင်းမှစတင်၍ JBF အဖွဲ့က အလှူငွေများလက်ခံနေပြီး လှူဒါန်းလိုသူများအနေဖြင့် ၎င်းတို့၏ ပေ့ခ်ျ၌ ဆက်သွယ်နိုင်ကြောင်း ကြေညာထားသည်။

“စစ်တိုက်နေတာဆိုတော့ ငွေကတော့ လောက်ငှတယ်လို့တော့ ဘယ်ရှိပါ့မလဲဗျာ၊ အလှူခံရင်လည်း တစ်ချို့လှူပေးနေတဲ့သူတွေရှိပါတယ်။ အခြေခံလူတန်းစားနဲ့ လူလတ်တန်းစားကသာသူတို့ရဲ့ မရှိမဲ့၊ရှိမဲ့ ပိုက်ဆံလေးတွေကို လှူပေးကြတာပါ။ လူချမ်းသာတွေသာ တော်လှန်ရေးမှာ အများကြီးအားဖြည့်ကူညီပေးရင် ဒီ့ထက်ပိုထိရောက်အောင် ဆောင်ရွက်နိုင်မှာပါ”ဟု JBF ၏တာဝန်ရှိသူက ပြောသည်။

တော်လှန်ရေးသမားများကို ဖယ်ကျဉ်ခံရမှုများရှိလာသောကြောင့် အလှူခံရသည့် အတွက်လည်း စိတ်မကောင်းကြောင်း ၎င်းက ဆိုသည်။

“ကျွန်တော်တို့အဖွဲ့က အလှူငွေထည့်ဖို့တော့ ဖိအားမပေးပါဘူး။ တော်လှန်ရေးကို တကယ်အောင်မြင်စေချင်တဲ့စိတ်ရှိရင်လှူပေးကြပေါ့ဗျာ၊ လှူမယ့်သူမရှိရင် ရတဲ့နည်းနဲ့ ကျွန်တော်တို့က တိုက်ခိုက်နေဦးမှာပါ။ တော်လှန်နေဦးမှာပါ”ဟု ၎င်းကပြောသည်။

ယမန်နေ့ညက ဖြစ်စဉ်နှင့်ပတ်သက်၍ Transporter Bar အနေဖြင့် တစ်စုံတစ်ရာထုတ်ပြန်ထားခြင်းမရှိဘဲ မတ်လ ၂ ရက်ညတွင် အဆိုတော် ဂျက်မြသောင်းလာရောက်ဖျော်ဖြေမည့်အကြောင်းလည်း ကြေညာထား သည်ကို‌ တွေ့ရသည်။

အဆိုတော် ဂျက်မြသောင်းသည် ယင်းBar တွင် သီဆိုဖျော်‌ဖြေလေ့ရှိပြီး ဖေဖော်ဝါရီ ၂၃ နှင့် ၂၆ရက်ကလည်း ဖျော်ဖြေပေးခဲ့သည်။

You May Also Like

ဆောင်းပါး

မြန်မာနိုင်ငံက ရန်ကုန်မြို့မှာ Pou Chen ကုမ္ပဏီက တည်ဆောက်ထားတဲ့ အထည်ချုပ် စက်ရုံရဲ့ ဝန်ထမ်း ၇၈၀၀ လောက်ကို ဒီမေးခွန်း သွားမေးမယ် ဆိုရင်တော့ သူတို့က တစ်နေ့ကို မြန်မာငွေ ၄၈၀၀ ကျပ် ရတယ်လို့ ပြောပြကြမှာပါ။

သတင်း

မြင်းမူမြို့ရှိ Non CDMများ၊ စစ်ကောင်စီခန့်အုပ် ချူပ်ရေးမှူးများနှင့် စစ်ကောင်စီထောက်တိုင်မှန်သမျှကို အဓိကပစ်မှတ်ထား တိုက်ခိုက်သွားမည်ဟု အပြင်းအထန်သတိပေးလိုက်ကြောင်း Moe Nyo Revolution Forceအဖွဲ့က အသိပေးသည်။

သတင်း

စစ်ကောင်စီတပ်သည် နိုဝင်ဘာ ၂၅ရက်မှ ဒီဇင်ဘာ ၁ရက်အတွင်း ထီးချိုင့်နယ်ရှိ အလယ်တော၊ ဆူးပုတ် ချောင်၊ အင်ကြင်းကုန်း၊ အင်းတိန်နှင့် လေသာကျေးရွာတို့ကို မီးရှို့ခဲ့ရာ KIA/PDF တို့နှင့်အတူ ဒေသခံများပါပါဝင်ပြီး စစ်ကောင်စီတပ်ကို ခုခံတိုက်ခိုက်ခဲ့သည်ဟု ဆိုသည်။

သတင်း

ယမန်နေ့ နံနက် ၇နာရီခန့်ကလည်း မြောင်းဦးနှင့် ကျပ်ပြင်ရွာကြား ငုတ်ပြွန်အနီးသို့ မောင်းနှင်လာသော စစ်ကောင်စီတပ်၏ ထောက်ပို့ပစ္စည်းများ သယ်ဆောင်လာသည့် ထော်လာဂျီကို နတ်ဆိုး(မြေအောက်တော်လှန်ရေးတပ်ဖွဲ့)က ကြားဖြတ်ဖမ်းဆီးခဲ့သည်။