ကသာနယ် ချောင်းဝရွာအနီး ယနေ့တိုက်ပွဲဖြစ်၍ စစ်ကောင်စီတပ်မှ သေဆုံးထိခိုက်များနိုင်ဟု မြို့လှ PDF ​ပြော

စစ်ကိုင်းတိုင်း ကသာမြို့နယ် ချောင်း၀ရွာအနီးတွင် ယနေ့နံနက်က တိုက်ပွဲဖြစ်ပွားခဲ့ရာ စစ်ကောင်စီတပ်မှ ထိခိုက်ကျဆုံးများနိုင်ကြောင်း မြို့လှပြည်သူ့ကာကွယ် ရေးတပ်(PDF)က သတင်းထုတ်ပြန်သည်။

အကြမ်းဖက်စစ်ကောင်စီ၏ ခြေလျှင်စစ်ကြောင်းအား ချောင်းဝရွာအနီးတွင် ယနေ့(မတ်လ ၁၃) နံနက်၆နာရီ ၄၅မိနစ်ခန့်တွင် မြို့လှ PDFတပ်မှ စောင့်ကြိုတိုက်ခိုက်ခဲ့ခြင်းဖြစ်ကြောင်း ဖော်ပြထားသည်။

အင်အား ၇၂ဦးပါ ခမရ (၄၁၅)မှ တပ်ရင်းမှူးထွန်းနောင်ပိုင်ဦးဆောင်သော စစ်ကောင်စီတပ်များသည် ချောင်းဝရွာမှ ဆင်ကုန်တိုင်​ကျေးရွာဖက်သို့ ခြေလျှင်စစ်ကြောင်းထိုးလာစဉ် မြို့လှPDF တပ်ခွဲ (၂ )မှ ဗိုလ်ဇာမဏီ ဦးဆောင်သည့် တပ်မှစောင့်ကြိုတိုက်ခိုက်ခဲ့ရာ တိုက်ပွဲမှာ ၄၅မိနစ်ခန့်ကြာမြင့်ခဲံသည်ဟု ဖော်ပြထားသည်။

စစ်​ကောင်စီဖက်မှ အထိအခိုက်အကျအဆုံး အများအပြားရှိနိုင်ပြီး မြို့လှ PDFတပ်ဖွဲ့မှ အထိအခိုက်မရှိပဲ အောင်မြင်စွာ ပြန်လည်ဆုတ်ခွာနိုင်ခဲ့ကြောင်း ထုတ်ပြန် သည်။

Public Service Announcement

မြို့လှ PDFသည် မတ်လ ၁၁ရက်ကလည်း ရွှေကူမြို့ နယ်တွင် ရေကြောင်းမှ စက်လှေဖြင့် တပ်အပြောင်းအ ရွှေ့လုပ်သည့် စစ်ကောင်စီတပ်ကို တိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်ရှိနိုင်သည်ဟု ဆိုသည်။