ကရင်အမျိုးသားအစည်းအရုံး(KNU) တပ်မဟာ (၅)နယ်မြေ ဖာပွန်(မူတြော်)ခရိုင်၌ ယခုလဝက်အတွင်း တိုက်ပွဲ ၁၆၇ ကြိမ်ဖြစ်ပွားခဲ့ရာ စစ်ကောင်စီတပ်မှ ၅၄ဦးသေဆုံးခဲ့ကြောင်း KNU မူတြော်သတင်းစဉ်က သတင်းထုတ်ပြန်သည်။
ထို့ပြင် စစ်ကောင်စီတပ်ဖွဲ့ဝင် ၄၀ဦး ဒဏ်ရာရရှိခဲ့ပြီး စစ်ကောင်စီတပ်၏ စစ်သုံးယာဉ် ၁၂စီး ပျက်စီးအောင် တိုက်ခိုက်နိုင်ခဲ့ပြီးစစ်မြင်းလား ၂ကောင်ကို သတ်နိုင်ခဲ့သည်ဟု ဆိုသည်။
KNU လက်အောက်ခံ ကရင်အမျိုးသားလွတ်မြောက်ရေးတပ်မတော်(KNLA)မှ တပ်ဖွဲ့ဝင် ခုနစ်ဦးကျဆုံးခဲ့ပြီး ၁၆ ဦး ဒဏ်ရာရရှိခဲ့ကြောင်း ဖော်ပြထားသည်။
စစ်ကောင်စီတပ်က ပြည်သူလူထုများ နေထိုင်ရာနေရာများသို့လက်နက်ကြီးများ ပစ်ခတ်ခြင်း၊ လေယာဉ်ဖြင့်ဗုံးကြဲတိုက်ခိုက်ခြင်းတို့ကြောင့် ဒေသခံ ပြည်သူလူထု ၁၅ဦးသေဆုံးခဲ့ပြီး လေးဦးဒဏ်ရာရခဲ့သည်ဟု ထုတ်ပြန်ခဲ့သည်။
Public Service Announcement
ဖာပွန်ခရိုင်၌ ယခုလဝက်အတွင်း တိုက်ပွဲများ၌ မတ်လ ၁၁ရက်က ဖြစ်ပွားခဲ့သည့် တိုက်ပွဲတွင် စစ်ကောင်စီတပ်မှ သုံးဦးသေဆုံးပြီး ၁၁ဦးဒဏ်ရာရရှိကာ စစ်ကောင်စီတပ်ဖွဲ့ဝင် ၁၆ဦး အရှင်ဖမ်းမိခဲ့သည်ဟု KNU တပ်မဟာ (၅)က ထုတ်ပြန်ထားသည်။
ထို့ပြင် ယင်းတိုက်ပွဲ၌ စစ်ကောင်စီတပ်ထံမှ လက်နက်မျိုးစုံ ၂၉လက် သိမ်းဆည်းရရှိခဲ့သည်ဟု ဆိုသည်။
