စစ်ကိုင်းတိုင်း မင်းကင်းမြို့နယ် ကူလဲရွာ အနီးတဝိုက်တွင် ယမန်နေ့က လေးနာရီကြာတိုက်ပွဲဖြစ်ပွားရာအကြမ်းဖက်စစ်ကောင်စီတပ်နှင့် ပျူစောထီး ပူးပေါင်း အဖွဲ့မှ ၅ဦးသေဆုံးပြီး ပြည်သူ့ကာကွယ်ရေးတပ်(PDF) ပူးပေါင်း အဖွဲ့မှ ၁ဦးကျဆုံးခဲ့ကြောင်း ကနီ PDF တပ်ဖွဲ့ ( ၂ )ကထုတ်
ပြန်သည်။
မတ်လ ၁၅ရက် တွင် အင်အား ၂၀၀ ခန့်ရှိ စစ်ကောင်စီ/ပျူစောထီး ပူးပေါင်းအဖွဲ့ကို ကနီ PDFတပ်ဖွဲ့ (၂) တပ်ရင်း (၂ ) ၊ ကနီပကဖ၊ မင်းကင်း PDF၊ မင်းကင်းပကဖ၊ တောင်တွင်း ပကဖ ၊ ဒီးပဲရင်း တပ်ရင်း(၃) စသည့် တော်လှန်ရေး တပ်များက ပူးပေါင်း တိုက်ခိုက်ခဲ့သည်ဟု KPDF-2 ထုတ်ပြန်ချက်တွင်ဖော်ပြထားသည်။
“မင်းကင်းဘက်ကတော်လှန်ရေးအင်အားစုတွေက စခတွေတော်လှန်ရတာအပြင် များပြားတဲ့ပျူစောထီးအုပ်စုတွေကိုပါ ရင်ဆိုင်ရတော့ ကနီနယ်ထက်စာရင် သူတို့ကပိုအန္တာရယ်ကြီးတယ်ဗျ။ ဒါကြောင့် မဟာမိတ်အနေနဲ့ပူးပေါင်းတိုက်ကြတာပါ”ဟုကနီPDF တပ်ဖွဲ့ ( ၂) ၊တပ်ရင်း (၂) မှပြန်ကြားရေးတာဝန်ရှိသူကပြောသည်။
တိုက်ပွဲသည် နံနက် ၇နာရီမှ စတင်ပြီး၁၁ နာရီအထိ့ ၄နာရီကြာမြင့်ခဲ့ရာ ပျူစောထီး (၁) ဦးအပါအဝင် စစ်ကောင်စီနှင့် ပျူစောထီးအုပ်စုမှ (၅) ဦးခန့်သေဆုံးခဲ့သည်။ ကနီPDF တပ်ဖွဲ့ (၂ )တပ်ရင်း (၂) မှ ရဲဘော် ၁ ဦးကျဆုံးပြီး တောင်တွင်း ပကဖမှ ၁ဦးဒဏ်ရာရခဲ့ကြောင်း ဖော်ပြထားသည်။
Public Service Announcement
အဆိုပါထိတွေ့မှုအပြီးတွင် အကြမ်းဖက်စစ်ကောင်စီတပ်များနှင့် ပျူစောထီးများ ပြန်လည်ဆုတ်ခွာရာ၌ မင်းကင်းမြို့နယ်၊ စသာရွာမှ ကာကွယ်ရေးအဖွဲ့ဝင်များ တိုက်ပွဲဖြစ်စဉ်တွင်ပါဝင်သည်ဟု ယူဆပြီးရွာအနီးတဲများကို မီးရှို့ဖျက်ဆီးခဲ့သည်ဟု ကနီ PDFက ထုတ်ပြန်သည်။
