စစ်ကိုင်တိုင်း ဝက်လက်မြို့နယ်အရှေ့ခြမ်း၊တောင်ကုန်းကျေးရွာကို အကြမ်းဖက်စစ်ကောင်စီတပ်များက မီးရှို့ဖျက်ဆီးခဲ့၍ အိမ်ခြေ ၈၀ ကျော် မီးလောင်ပြာကျခဲ့သည်ဟု သတင်းရင်းမြစ်တစ်ဦးက ပေးပို့သည်။
ယမန်နေ့(မတ်လ ၁၇)ညတွင် အကြမ်းဖက်စစ်ကောင်စီတပ်များမှ မီးရှို့ဖျက်ဆီးခဲ့ရာတစ်ရွာလုံးနီးပါး ပြာကျခဲ့သည်ဟု ဆိုသည်။
ထို့ပြင် ကျွဲ၊နွား၊ဝက်များကိုလည်း ချည်တိုင်တွင် ချည်လျက် မီးရှို့သတ်ဖြတ်ခဲ့သည်ဟု သတင်းရင်းမြစ်က ပေးပို့သည်။
လက်ရှိတွင် အပူရှိန်ပြင်းသည့် အညာဒေသဖြစ်သည့် အလျောက် သက်ကြီးရွယ်အိုများနှင့် ကလေးများအပါအဝင် ဒေသခံများ ယာယီတဲများ၊ဆေးဝါးများနှင့် စားနပ်ရိက္ခာအကူအညီများ လိုအပ်နေသည်ဟု ဆိုသည်။
Public Service Announcement
အကြမ်းဖက် စစ်ကောင်စီတပ်သည် စစ်ကိုင်းတိုင်း အပါအဝင် ဒေသအသီးသီး၌ ပြည်သူလူထုပိုင်နေအိမ်များကို မီးရှို့ဖျက်ဆီးမှုများ ဆက်တိုက်ပြုလုပ်လျက်ရှိသည်။ အကြမ်းဖက် စစ်ကောင်စီတပ် အာဏာသိမ်းပြီးနောက်ပိုင်း ပြည်သူလူထုများ၏ နေအိမ် ၇,၀၀၀ ကျော်ကို စစ်ကောင်စီနှင့် လက်အောက်ခံအဖွဲ့များက မီးရှို့ ဖျက်ဆီးခဲသည်ဟု Data far Myanmar က သတင်းထုတ်ပြန်ထားသည်။
