စစ်ကိုင်းတိုင်း မုံရွာမြို့ပေါ်တွင် အကြမ်းဖက်စစ်ကောင်စီ၏ Mytel ရုံးအပါအဝင် စစ်ကောင်စီတပ်စွဲထားသောနေရာအများအပြား ဖောက်ခွဲကာသတိပေးခဲ့ကြောင်းမုံရွာအခြေစိုက်မြို့ပြပြောက်ကျားအဖွဲ့များက သတင်းထုတ်ပြန်သည်။
ယနေ့ (မတ်လ ၁၈ ရက်) ညနေ ၃နာရီခွဲအချိန်က မုံရွာမြို့ ဆည်မြောင်းရုံး၊ရန်ကင်း မီးပွိုင့် နှင့် Mytel ရုံးတို့အား လက်ပစ်မိုင်းများဖြင့် တချိန်တည်း ပစ်ပေါက်ဖောက်ခွဲခဲ့ကြောင်း၊ ရဲဘော်များဘေးကင်းလုံခြုံစွာ ပြန်လည်ရောက်ရှိခဲ့ကြောင်း ဖြင့်Unity Force Monywa နှင့်Brother Defense Force တိုက်ခိုက်ရေးအဖွဲ့မှ အသိပေးသည်။
အလားတူ ယနေ့တွင်ပင် မုံရွာမြို့၊ ချမ်းမြဝတီရပ်ကွက်တို့တွင် ၂ လုံး၊ မိုးကောင်းဘုရား၊ ဒေါနခြံရပ်၊ အာဇာနည်လမ်း၊ ကံ့ကော်လမ်းဆုံ၊ ပြည်ထောင်စုလမ်း ကားလေးကွင်းအနီး ယာဥ်ထိန်းရုံး၊ အေးရိပ်သာလမ်းဆုံ၊ ဗိုလ်တေဇလမ်းတို့တွင် ၁ လုံးစီ သတိပေးဖောက်ခွဲခဲ့ကြောင်း၊ လုံခြုံရေးအခြေအနေအရ အကြမ်းဖက်စစ်ကောင်စီ၏ ထိခိုက်သေဆုံးမှုမသိရသေးကြောင်း ပူးပေါင်းဆောင်ရွက်ခဲ့သည့် Monywa Night King,Monywa Nija,Peacock Generatin Force,God Of Snake မဟာမိတ်အဖွဲ့များက သတင်းထုတ်ပြန်သည်။
အကြမ်းဖက်စစ်ကောင်စီက ပြုလုပ်ပေးသည့်စာမေးပွဲဖြေနေသော သူများအား သတိပေးဖောက်ခွဲခြင်းဖြစ်ပြီး နောက်ရက်များ၌ သတိပေးတော့မည်မဟုတ်ကြောင်းနှင့်မိဘပြည်သူများအနေဖြင့် စစ်ကောင်စီတပ်စစ်ဆေးရေးနေရာများအား ရှောင်ကွင်းသွားရန် သတိပေးကြောင်း Monywa Night Kingအဖွဲ့က ပြောသည်။
Public Service Announcement
Unity Force Monywaနှင့်Brother Defense Forceအဖွဲ့သည်ယနေ့နံနက် ၁၁နာရီ ၁၀မိနစ်ဝန်းကျင်ကလည်း မုံရွာမြို့အတွင်း အကြမ်းဖက် စစ်ကောင်စီက ဖွင့်လှစ်ထားသည့် အ.ထ.က(၄) သလ္လာစာသင်ကျောင်းတွင် စောင့်နေသည့် စစ်ကောင်စီတပ်သားများအား ဗုံးခွဲတိုက်ခိုက်ခဲ့သည်။
