စစ်ကိုင်းတိုင်း ကလေးမြို့တွင် စစ်ကောင်စီတပ်သားခြောက်ဦးကို ပစ်ခတ်တိုက်ခိုက်ခဲ့ကြောင်း PDF Kalay က ယနေ့(မတ် ၂၂)ထုတ်ပြန်သည်။
ကလေးမြို့ တာဟန်းဘက်မှ တောင်သာကျေးရွာဘက်သို့ ဆိုင်ကယ်သုံးစီးဖြင့် မောင်းနှင်လာသော စစ်ကောင်စီတပ်သားခြောက်ဦးကို နယ်စပ်ရေးရာဝန်ကြီးဌာန၊ အိမ်တွင်းမှုသင်တန်းကျောင်းအနီးတွင် ယနေ့နံနက် ၇ နာရီ ၄၅ ခန့်က အသင့်စောင့်ဆိုင်း၍ တိုက်ခိုက်ခဲ့ခြင်ဖြစ်ကြောင်း
ထုတ်ပြန်ချက်တွင် ဖော်ပြသည်။
သုံးမိနစ်ကြာ ပစ်ခိုက်တိုက်ခိုက်ခံရမှုကြောင့် စစ်ကောင်စီတပ်သားတစ်ဦး နေရာတင်ပွဲချင်းပြီးသေဆုံးပြီး နှစ်ဦးမှာ ဒဏ်ရာပြင်းထန်စွာရရှိသွားကြောင်း ထုတ်ပြန်သည်။
“ဆိုင်ကယ်နဲ့ စီးလာတဲ့ စစ်သားတွေကို မြို့ထဲမှာပျောက်ကျားနေရာယူတဲ့ အဖွဲ့တွေက ဝင်ပစ်သွားတာ။ တစ်ယောက်သေတော့ မြို့ထဲမှာ သောင်းကျန်းပြီး လိုက်ပစ်နေတယ်။ ပြည်သူတွေဆီကိုလည်း ကြောက်လန့်ပြီးလိုက်ပစ်နေကြတယ်။ ထိခိုက်မိသူတွေရှိတယ်”ဟုကလေးမြို့ခံတစ်ဦးကပြောသည်။
Public Service Announcement
ထို့နောက် အကြမ်းဖက်စစ်ကောင်စီတပ်သားများက ရမ်းသမ်းပစ်ခတ်ခဲ့ရာ အနီးဝန်းကျင်ရှိပြည်သူတစ်ဦး၏ ခြေထောက်တွင် သေနတ်ထိမှန်ခဲ့ကြောင်း PDF Kalay က ထုတ်ပြန်ထားသည်။
