တိုက်ပွဲ၌ သေဆုံးခဲ့သည့် စစ်ကောင်စီအရာရှိများ၏ ပုခုံးပေါ်မှ ကြယ်ပွင့်များ၊ အဆောင်အယောင်တံဆိပ်များ တပ်ဆင်ထားသည့် ပြည်သူ့ကာကွယ်ရေးတပ်ဖွဲ့ဝင် တစ်ဦး၏ ဖိနပ်ကို မပန်ဆယ်လိုက ဦးဆောင်ပြီး နာမ်နှိမ် လေလံတင်ရောင်းချရာ ကျပ်သိန်း ၃၇၀ကျော်နှင့် ညီမျှသည့် အမေရိကန်ဒေါ်လာ ၁၈,၅၀၀ ရရှိခဲ့သည်ဟု အသိပေးထားသည်။
ထိုသို့လေလံတင်ရာတွင် အကောင့်တုပေါင်းစုံဖြင့် ဝိုင်းဝန်းနှောက်ယှက်နေသည့်ကြားမှ အကောင်းဆုံး ဖြတ်ကျော် ဖန်တီးနိုင်ခဲ့ကြောင်း၊ လေလံဝင်ဆွဲပေးကြသူအားလုံးကို ကျေးဇူးတင်ကြောင်း သူမက ဆိုသည်။
“စစ်ခွေးတွေ ပုခုံးပေါ်က တန်ဖိုးမရှိတဲ့ အစိတွေဟာ ဖိနပ်လို နေရာမှန်ကို ရောက်တဲ့အခါ ပြည်သူရဲ့ အမုန်းတရားနဲ့ ပေါင်းစပ်ပြီး ဒေါ်လာ ၁၈,၅၀၀ တန်ဖိုးရှိ PDF ဖိနပ်အဖြစ် သမိုင်းဝင်ခဲ့ပါပြီ” ဟု မပန်ဆယ်လိုက ရေးသားထားသည်။
အဆိုပါ ဖိနပ်ပိုင်ရှင် PDF ရဲဘော်ကလည်း “ ဘယ်လိုပြောရမလဲပေါ့နော်။ အရမ်းဝမ်းသာလွန်းလို့ ဒေါ်လာ ၁၈၅၀၀ တဲ့ဗျာ။ အရုပ်လေး တစ်ရုပ်တော့ ရပြီပေါ့။ ကိုယ့်ရဲ့ ရဲဘော်လေးတွေအတွက် အင်အားတစ်ခု တိုးလာပြီ ပေါ့ဗျာ”ဟု မှတ်ချက်ပြုထားသည်။
Public Service Announcement
စစ်တပ်အာဏာသိမ်းပြီးနောက်ပိုင်းတွင် စစ်ကောင်စီတပ်များသည် ပြည်သူလူထုအပေါ် ဖမ်းဆီးနှိပ်စက် သတ်ဖြတ်မှုများ ၊ ပြည်သူလူထုကို အစုလိုက် အပြုံ လိုက် သတ်ဖြတ်မှုများ ပြုလုပ်ခဲ့သည်။ လက်ရှိအချိန်တွင် အရပ်သားများနေထိုင်ရာ ကျေးရွာများ၊ စစ်ရှောင်စခန်းများကို ပစ်မှတ်ထား၍ လေကြောင်း၊ လက်နက်ကြီးဖြင့် ပစ်ခတ်တိုက်ခိုက်မှုများ ပိုမိုပြုလုပ်လာနေသည်။ ရွာလုံးကျွတ်မီးရှိုခြင်းအပါအဝင် နေအိမ်များကို မီးရှို့ဖျက်ဆီးမှုများ လုပ်ဆောင်ခဲ့၍ ပြည်သူလူထု နေအိမ် ၇ ထောင်ကျော် မီးလောင်ပျက်စီးခဲ့ရသည်။ ထိုသို့သော စစ်ကောင်စီတပ်၏ အကြမ်းဖက်လုပ်ရပ်များအပေါ် ပြည်သူလူထုက ရွံရှာမုန်းတီးနေပြီး ဒေသအသီးသီးတွင် ရရာလက်နက်စွဲကိုင်ပြီး ခုခံတိုက်ခိုက်မှုများ ပြန်လည်ပြုလုပ်လျက်ရှိသည်။
