ယမန်နေ့က ကွယ်လွန်ခဲ့သူ အမေရိကန်နိုင်ငံခြားရေးဝန်ကြီးဟောင်း မက်ဒလင်းအောဘရိုက်သည် ၁၉၉၅ က ဒေါ်အောင်ဆန်းစုကြည်နှင့်တွေ့ဆုံကာ မြန်မာ့ဒီမိုကရေစီအရေးဆွေးနွေးခဲ့ကြောင်း အမေရိကန်သံရုံးက အသိပေးထုတ်ပြန်သည်။
အမေရိကန်၏ ပထမဆုံးအမျိုးသမီးနိုင်ငံခြားရေးဝန်ကြီး မက်ဒလင်းအောဘရိုက် ကွယ်လွန်သွားသည့်အတွက် ပူဆွေးသောကရောက်ရပြီး မိသားစုနှင့်ထပ်တူဝမ်းနည်းစိတ်မကောင်းဖြစ်ရသည်ဟု သံရုံးက ဆိုသည်။
“မက်ဒလင်း အောဘရိုက်သည် ၁၉၉၅ ခုနှစ်တွင် ဒေါ်အောင်ဆန်းစုကြည်နှင့်တွေ့ဆုံခဲ့ပြီး မြန်မာနိုင်ငံတွင် ဒီမိုကရေစီ၏ အခြေခံတိုးတက်မှုများပေါ်ထွန်းလာရေးနှင့် လူ့အခွင့်အရေးကို လေးစားလိုက်နာရေးတို့အတွက် အားပေးခဲ့ပါသည်”ဟု သံရုံးက ထုတ်ပြန်သည်။
(၈၄)နှစ်အရွယ် မက်ဒလင်းအောဘရိုက်သည် ကင်ဆာရောဂါကြောင့် ဆုံးပါးခဲ့ခြင်းဖြစ်သည်ဟု ၎င်း၏မိသားစုက ထုတ်ပြန်ထားသည်။
Public Service Announcement
