ဘင်္ဂလားပင်လယ်အော်ဒေသတွင်းနိုင်ငံတွေစုဖွဲ့ထားတဲ့ ဘင်းစ်တက်အဖွဲ့ရဲ့ ထိပ်သီးညီလာခံကို တက်ရောက်ဖို့စစ်ကောင်စီ နိုင်ငံခြားရေးဝန်ကြီးကိုဖိတ်ကြားထားတယ်လို့အိန္ဒိယသတင်းဌာနတွေက ရေးသားဖော်ပြကြပါတယ်။
ဘင်းစ်တက်ထိပ်သီးအစည်းအဝေးကို မတ်လ ၂၈ ရက်ကနေ မတ်လ ၃၀ ရက်အထိ သီရိလင်္ကာနိုင်ငံကအိမ်ရှင်အဖြစ်လက်ခံကျင်းပမှာပါ။
အဲဒီအစည်းအဝေးကို အိန္ဒိယ ၊ဘင်္ဂလားဒေ့ရှ် ၊နီပေါနဲ့ ထိုင်းနိုင်ငံ က ခေါင်းဆောင်တွေ ဟာ အွန်လိုင်းကနေ တက်ရောက်ကြမှာဖြစ်ပြီး အစည်းအဝေးမှာ စစ်ကောင်စီ နိုင်ငံခြားရေးဝန်ကြီး မိန့်ခွန်းပြောမယ်လို့ သီရိလင်္ကာအစိုးရ အရာရှိတွေရဲ့ ပြောကြားချက်ကို ကိုးကားပြီး The Indian Express က ဖော်ပြပါတယ်။
မြန်မာ ကိုပြစ်ပယ်ထားမယ့်အစား ထိတွေ့ဆက်ဆံတာက ပိုမိုကောင်းမွန်တယ်လို့ ဗိုလ်ချုပ်ကြီးဟောင်းဖြစ်သူ သီရိလင်္ကာနိုင်ငံခြားရေးအတွင်းဝန်က Jayanath Colombage ပြောပါတယ်။
ဘင်းစ်တက်အဖွဲ့ဟာ ပြီးခဲ့တဲ့ နှစ် ဇွန်လ အတွင်းက ဘင်းစ်တက်နေ့အတွက် အဖွဲ့ဝင်နိုင်ငံတွေရဲ့ ခေါင်းဆောင်တွေစကား ကိုထုတ်ပြန်ရာမှာ စစ်အုပ်စုခေါင်းဆောင်ကိုလည်းထည့်သွင်းခဲ့သလို “လေးစားအပ်ပါသော မြန်မာနိုင်ငံ၊ နိုင်ငံတော်စီမံအုပ်ချုပ်ရေးကောင်စီဥက္ကဌ”၊ “နိုင်ငံတော်ဝန်ကြီး ချုပ်” လို့ ဖော်ပြခဲ့ဖူးပါတယ်။
Public Service Announcement
ဒီလုပ်ရပ်ဟာ ရှက်ဖွယ်ကောင်းတယ်လို့ Justice For Myanmar က ထုတ်ပြန်ထားတာရှိပါတယ်။
ဒါကြောင့် ဘင်းစ်တက်အဖွဲ့ဝင်နိုင်ငံတွေအနေနဲ့ စစ်ကောင်စီကို တရားဝင်မှုပေးနေတာတွေ ချက်ချင်းရပ်တန့်ဖို Justice For Myanmar က တောင်းဆိုခဲ့ဖူးပါတယ်။
ဘင်းစ်တက်အဖွဲ့ဝင်နိုင်ငံတွေထဲမှာ အိန္ဒိယ၊ နီပေါ၊ ဘူတန်၊ ဘင်္ဂလားဒေ့ရှ်၊ မြန်မာ၊ ထိုင်းနဲ့ သီရိ လင်္ကာနိုင်ငံတို့ ပါဝင်တာပါ။
