စစ်ကောင်စီထောက်ခံသော အနုပညာရှင်အချို့လိုက်ပါသည့် ရထားမိုင်းဆွဲ တိုက်ခိုက်ခံရ သည်ကို ရှုတ်ချကြောင်း သတင်းမီဒီယာကောင်စီက စာထုတ်သည့်အပေါ် သတင်းသမားများက ဝေဖန်လိုက်သည်။
စစ်ကောင်စီလက်ထက် သတင်းသမားစစ်စစ်များဖြင့် ဖွဲ့စည်းထားခြင်း မဟုတ်သည့် မြန် မာနိုင်ငံ သတင်းမီဒီယာကောင်စီအမည်ခံအဖွဲ့အစည်း၏ ယခုလုပ်ရပ်မှာ မထူးဆန်းကြောင်း လည်း ၎င်းတို့က ပြောသည်။
“သတင်းမီဒီယာသမားစစ်စစ်တွေနဲ့ ဖွဲ့ထားတဲ့ ကောင်စီမှ မဟုတ်တာ။ ဒီလိုကြေညာချက် ထွက်လာတာ မဆန်းပါဘူး။ သတင်းသမားကိစ္စအတွက် ဘာအသံမှ မထွက်တဲ့ စကစဖွဲ့ကောင်စီဆိုတော့ သူတို့ခိုင်းတဲ့စာ အတည်ပြု လိုက်ရတဲ့ ပုံစံပါဘဲ။ မဆန်းပါဘူး”ဟု အကြီးတန်း သတင်းထောက်တစ်ဦးက ပြောသည်။
ထို့အပြင် စစ်ကောင်စီ၏ ယခုလုပ်ရပ်သည် အာဏာရှင်လက်ထက်များတွင် တွေ့နေကြပုံစံ တစ်ခုဖြစ်ပြီး အာဏာရှင်အောက်စွဲများ လုပ်လေ့လုပ်ထရှိသည့် ကလင်ဒါကျပုံစံဖြစ်ကြောင်း ၎င်းက မှတ်ချက်ပေးသည်။
Public Service Announcement
လွတ်မြောက်နယ်မြေသို့ ရောက်ရှိနေသော သတင်းသမားတစ်ဦးကလည်း ” ပုံစံက သတင်းသမားတွေပါ ကန့်ကွက်တယ်ပုံစံမျိုးလုပ်တာ။ စစ်ကောင်စီလက်အောက် ကောင်စီမှာ သတင်းသမားစစ်စစ် ဘယ်သူမှမပါဘူး။ ဒီကြေညာချက်က မြေပြင်အခြေအနေကို တကယ် သတင်းရေးသား ဖော်ပြနေကြတဲ့ သတင်းသမားစစ်စစ်တွေရဲ့ ကြေညာချက် မဟုတ်ဘူး”ဟု ပြောသည်။
အထက်ပါ ရထားတွဲမိုင်းဆွဲခံရသည်ကို သတင်းမီဒီယာကောင်စီက စာထုတ်ရာတွင် အကြမ်း ဖက်သမားများ၏ လုပ်ရပ်သည် တည်ငြိမ် အေးချမ်းရေး၊ တရားဥပဒေစိုးမိုးရေး၊ ထာဝရငြိမ်း ချမ်းနှင့် ဒီမိုကရေစီစနစ်ကို အထောက် အကူမပြုသည့် အကြမ်းဖက်လုပ်ရပ်ဖြစ်ကြောင်း ဖော်ပြထားသည်။
ယမန်နေ့(မတ် ၂၉)ရက် ညနေပိုင်းက စစ်ကောက်စီ၏စီစဥ်မှုဖြင့် ၎င်းတို့အားထောက်ခံသော အနုပညာရှင်အချို့လိုက်ပါလာသောရထားသည် ပြင်ဦးလွင်ဘူတာမှ ဂုတ်ထိပ်တံတားသို့ သွားပြီးအပြန်လမ်းတွင် မိုင်းဆွဲ တိုက်ခိုက်ခံရခြင်း ဖြစ်သည်။
အထက်ပါဖြစ်စဥ်အပေါ် သတင်းမီဒီယာကောင်စီသာမက မြန်မာနိုင်ငံဂီတ အစည်းအရုံး၊ ဟာသပညာရှင်များအစည်းအရုံးတို့ကလည်း ကန့်ကွက်ရှုတ်ချ ကြောင်း စစ်ကောင်စီ စေခိုင်းချက်အရ သဘောထား ထုတ်ပြန်ခဲ့သည်။အဆိုပါကောင်စီ များသည် ပြီးခဲ့သည့် ဖေဖော်ဝါရီ ၁၂ ရက်(ပြည်ထောင်စုနေ့)ကလည်းအကြမ်းဖက်စစ်ကောင်စီအလိုကျ တိုင်းရင်းသားလက်နက်ကိုင်အဖွဲ့များကို ငြိမ်းချမ်းရေးဆွေးနွေးပွဲတက်ရောက်ရန် ဆိုကာနေပြည်တော်သို့လာရန် ဖိတ်ခေါ်ခဲ့သေးသည်။သို့သော် ထိုဆွေးနွေးပွဲမှ အဓိကတိုင်းရင်းသားလက်နက်ကိုင်အဖွဲ့များနှင့် တာဝန်ရှိသူများ
မတက်ရောက်သဖြင့် စစ်ကောင်စီ စီစဥ်သလိုမဖြစ်ခဲ့ပေ။
ထုတ်ပြန်ကြေညာချက်များတွင် ထိုသို့ ပြုလုပ်သူများအား အကြမ်းဖက် သမားများက မိုင်းထောင် တိုက်ခိုက်ခြင်း ဖြစ်သည်ဟု သုံးနှုံးထားသည်။
