Connect with us

Hi, what are you looking for?

နိုင်ငံတကာ

ဂျပန်မှာ ရထားတိုက်လို့ ဘူတာရုံ ဝန်ထမ်း ၄ ဦးသေဆုံး

ဂျပန်မှာ ရထားတိုက်ခံရလို့ ဘူတာရုံက အလုပ်သမား ၄ ဦး သေဆုံးသွားကြောင်း သိရပါတယ်။

ဂျပန်မှာ ရထားတိုက်ခံရလို့ ဘူတာရုံက အလုပ်သမား ၄ ဦး သေဆုံးသွားကြောင်း သိရပါတယ်။

တိုကျိုမြို့တော် မြောက်ပိုင်းမှာရှိတဲ့ ရှင်-ကန်နူမာ ဘူတာရုံမှာ ဩဂုတ် ၂၀ မနက်ပိုင်းတုန်းက ရထားတိုက်မှု ဖြစ်ခဲ့တာပါ။ ကယ်ဆယ်ရေး သွားရောက် ဆောင်ရွက်ခဲ့တဲ့ မီးသတ်ဌာန အရာရှိ တစ်ဦးက ရထားတိုက်ခံရသူ ၄ ဦးစလုံး သေဆုံးသွားကြောင်း AFP သတင်းဌာနဆီကို ပြောကြားခဲ့ပါတယ်။

နောက်ထပ် ကယ်ဆယ်ရေး ဝန်ထမ်း တစ်ဦးကတော့ အခင်းဖြစ်တဲ့ နေရာဆီ ရောက်သွားချိန်မှာ အလုပ်သမား ၃ ဦးဟာ ရထားအောက်မှာ ညပ်နေဆဲဖြစ်ပြီး ကျန်တဲ့တစ်ယောက်ကတော့ ဘူတာ ပလက်ဖောင်းပေါ်မှာ ရှိနေခဲ့တယ်လို့ ဆိုပါတယ်။

အားလုံးကို ဆေးရုံပို့ခဲ့ပေမယ့် အဲဒီအချိန်ကတည်းက အသိမရှိကြတော့သလို အသက်ရှင်တဲ့ လက္ခဏာတွေလည်း မတွေ့တော့ဘူးလို့ အဲဒီ သတင်းရင်းမြစ်က AFPကို ပြောပါတယ်။

Public Service Announcement

Public Service Announcement

ဖြစ်စဉ် အသေးစိတ်ကို ရဲတွေက မထုတ်ပြန်သေးပေမယ့် Nippon TVကတော့ အဲဒီ အလုပ်သမားတွေဟာ ဘူတာနဲ့ ရထားသံလမ်း တဝိုက်က ခြုံနွယ်တွေကို ရှင်းလင်းနေရင်း ရထား အတိုက်ခံခဲ့ရတာလို့ ဖော်ပြသွားပါတယ်။

ဂျပန်ဟာ ရထားပို့ဆောင်ရေးမှာ လုံခြုံရေးစံနှုန်း အကောင်းဆုံး နိုင်ငံတစ်ခုဖြစ်ပြီး သာမန်အားဖြင့်တော့ လူ့အသက် ဆုံးရှုံးစေတဲ့ ရထားမတော်တဆမှုတွေ အင်မတန် နည်းပါးပါတယ်။

ဂျပန်ရဲ့ ကျည်ဆန်ရထားတွေမှာ အထူးကောင်းမွန်တဲ့ ပြင်ဆင်ထိန်းသိမ်းမှုတွေ၊ ဝန်ထမ်းတွေကို လေ့ကျင့်ပေးထားတာတွေ၊ အဆင့်အမြင့်ဆုံး နည်းပညာတွေကို အသုံးပြုထားပြီး ရထားလမ်းချော်လို့၊ ရထားချင်းတိုက်မိလို့ လူသေဆုံးတယ် ဆိုတာမျိုး မရှိခဲ့ဖူးပါဘူး။

ကိုးကား: AFP

ဆက်စပ်သတင်းများ

နိုင်ငံတကာ

အီဂျစ်နိုင်ငံ တောင်ပိုင်းမှာ ရထားနှစ်စီး တိုက်မိခဲ့ရာက လူ ၇ ဦး သေဆုံးပြီး ၁၀၀ ကျော် ဒဏ်ရာရသွားခဲ့ပါတယ်။

နိုင်ငံတကာ

ပြည်တွင်းမှာ ဒုံးကျည်တွေ ပူးပေါင်းတည်ဆောက် ထုတ်လုပ်သွားဖို့ အမေရိကန်နဲ့ ဂျပန်တို့ကြား သဘောတူညီမှု ရရှိခဲ့ကြောင်း ဂျပန် ကာကွယ်ရေး ဝန်ကြီးက အတည်ပြုခဲ့ပါတယ်။

နိုင်ငံတကာ

လူသတ်မှု သံသယနဲ့ စစ်ဆေးခံနေရတဲ့ အမေရိကန် မရိန်းတပ်သား တစ်ဦးကို ဂျပန် အစိုးရ ရှေ့နေတွေက တရားဝင် စွဲချက်တင်လိုက်ပြီ ဖြစ်ပါတယ်။

နိုင်ငံတကာ

ဂျပန်နိုင်ငံ၊ နာဂိုယာ မြို့တော်မှာ ကျင်းပနေတဲ့ အာရှ မသန်စွမ်း အားကစား ပြိုင်ပွဲမှာ တစ်ပတ်အတွင်း နိုင်ငံတော်သီချင်း မှားဖွင့်မှုတွေ သုံးကြိမ်ထိ ဖြစ်ပွားခဲ့လို့ မြို့တော်ဝန် ကိုယ်တိုင် တောင်းပန်ခဲ့ရပါတယ်။