စစ်ကိုင်းတိုင်း ကသာမြို့နယ် ချောင်းဝကျေးရွာမှ ခြေလျှင်စစ်ကြောင်းထိုးလာ သော အကြမ်းဖက်စစ်ကောင်စီတပ်နှင့်ထိတွေ့တိုက်ပွဲဖြစ်ပွားရာ စစ်ကောင်စီ တပ်သားများထိခိုက် သေဆုံးမှုရှိနိုင်ကြောင်း မြို့လှ PDFက ထုတ်ပြန်သည်။
မြို့လှ PDFတပ်ရင်းနယ်မြေအတွင်း အကြမ်းဖက်စစ်ကောင်စီ၏ ခမရ(၄၁၅)မှ အင်အား ၇၈ ဦးပါ အဖွဲ့ကို ယနေ့(မတ်လ ၃၁ ရက်) နံနက် ၆နာရီခွဲတွင် စောင့်ကြိုတိုက်ခိုက်ခဲ့သည်ဟု ဆိုသည်။
ချောင်းဝရွာမှ သဖန်းဒေါင့်ရွာဖက်သို့ ခြေလျှင်စစ်ကြောင်းထိုးလာစဥ် ဒေသ ကာကွယ်ရေးတပ်မှ မိုင်း ၃သုံးလုံးဖြင့် မိုင်းဆွဲတိုက်ခိုက်ခဲ့ရာ စစ် ကောင်စီတပ်မှ ပြန်လည်ပစ်ခတ်ခဲ့ပြီးနောက် ၁၀ မိနစ်ခန့်ကြာ ထိတွေ့တိုက်ပွဲ ဖြစ်ပွားခဲ့သည်ဟု ထုတ်ပြန်ချက်၌ ဖော်ပြသည်။
တိုက်ပွဲအတွင်း စစ်ကောင်စီဘက်မှထိခိုက် ကျဆုံးမှု ရှိနိုင်ပြီး ဒေသကာကွယ် ရေးတပ်မှ အထိခိုက်မရှိ အောင်မြင်စွာ ဆုတ်ခွာနိုင်ခဲ့ကြောင်း မြို့လှ PDFက အသိပေးသည်။
စစ်ကိုင်းတိုင်းနှင့် ကချင်ပြည်နယ်အစပ်ဒေသများတွင် အကြမ်းဖက်စစ်တပ်နှင့် မြို့လှ PDFတို့ မကြာခဏ တိုက်ပွဲများဖြစ်ပွားနေပြီး ယခုလအတွင်း ထိတွေ့မှု ငါးကြိမ်းထက်မနည်းရှိခဲ့သည်။