'/%3E%3C/svg%3E){kind=small}
▪️ပြည်သူများ ဂရုတစိုက်နေထိုင်ကြရန် သတိပေးထား
ကရင်နီပြည်နယ် ဒီးမော့ဆိိုမြို့နယ်ကို စစ်ကြောင်းထိုးနေသည့် အကြမ်းဖက်စစ်ကောင်စီတပ်ကို ကရင်နီအမျိုးသားများကာကွယ်ရေးတပ်(KNDF) တပ်ရင်းနှစ်ခုက တိုက်ခိုက်ရာ စစ်ကောင်စီဘက်က လေးဦးသေဆုံးပြီး တစ်ဦးဒဏ်ရာရသွားသည်။
လွန်ခဲ့သော ရက်အနည်းငယ်ကတည်းက စစ်ကြောင်းထိုးနေသည့် စစ်ကောင်စီတပ်ကို ဒီမောဆိုနှင့်ထိစပ်နေသည့် ဖရူဆိုမြို့နယ် ထီးသော်ကူးကျေးရွာအနီးတွင် KNDF တပ်ရင်း (၁၅)နှင့် တပ်ရင်း (၄)က တိုက်ခိုက်ခဲ့ခြင်းဖြစ်သည်။
အထက်ပါ တိုက်ပွဲသည် မတ်လ ၃၁ရက်က ဖြစ်ခဲ့ပြီး ဆက်သွယ်ရေးလိုင်းအခက်အခဲကြောင့် ယနေ့(ဧပြီ ၂ရက်)မှသာ ထုတ်ပြန်ခြင်းဟု KNDF ရဲဘော်တစ်ဦးကပြောသည်။ စစ်ကောင်စီဘက်က လေးဦးသေ အောင် တိုက်ခိုက်နိုင်ခဲ့သလို KNDFဘက်က ထိခိုက်သူ မရှိခဲ့ဟု ဆိုသည်။
Public Service Announcement
လက်ရှိတွင် စစ်ကောင်စီတပ်က ကရင်နီပြည်နယ်အတွင်း အင်အားအများအပြား ဖြည့်တင်းထားပြီး
တိုက်ပွဲများဆက်လက်ဖြစ်ပွားလာနိုင်သောကြောင့် ပြည်သူများသတိဖြင့် နေထိုင်ရန် KNDFက တိုက်တွန်းထားသည်။
အထူးသဖြင့်တိုက်ပွဲဖြစ်ပွားသည့် နေရာအနီးတဝိုက်တွင်
ပြည်သူများ သွားလာခြင်းလုံးဝမပြုလုပ်ကြပါရန်လည်း ကရင်နီအမျိုးသားများကာကွယ်ရေးတပ် တပ်ရင်း (၄)က အထူးအသိပေးထားသည်။
အကြမ်းဖက်စစ်ကောင်စီသည် ယမန်နေ့(ဧပြီ ၁ရက်) နံနက်ကလည်း ဒီမောဆိုမြို့အနောက်ဘက်ခြမ်းရှိ စစ်ဘေးရှောင်စခန်းနေရာများကို လက်နက်ကြီးဖြင့်ပစ်ခတ်ခဲ့၍ အရပ်သားတစ်ဦး ဒဏ်ရာရခဲ့သည်။
နေပြည်တော်နှင့် ထိစပ်နေသည့် ကရင်နီဒေသကို စစ်ကောင်စီက နည်းမျိုးစုံသုံး၍ စစ်ကြောင်းထိုးနေပြီး KNDFအပါအဝင် ဒေသခံပြည်သူ့ကာကွယ်ရေးအဖွဲ့များကလည်း ခုခံတိုက်ခိုက်နေသည်။ တိုက်ပွဲများ မကြာခဏ ဖြစ်နေ၍ လက်နက်ခဲယမ်းလိုအပ်ချက်ရှိနေပြီး ပြည်သူ လူထုအနေဖြင့် ယခက်ကထက်ပို၍ အာရုံစိုက်ကူညီပေးရန် ကရင်နီဒေသအခြေစိုက် ပြည်သူ့ကာကွယ်ရေးအဖွဲ့များက မေတ္တာရပ်ခံထားသည်။
