စစ်ကိုင်းတိုင်း မော်လိုက်မြို့ သစ်တောဦးစီးဌာနရုံး ယနေ့ နံနက်ပိုင်းတွင် ဖောက်ခွဲဖျက်ဆီးခံလိုက်ရပြီး ရုံးအဆောက်အဦးနှင့် အသုံးအဆောင်ပစ္စည်းများ ပျက်စီးသွားသည်။
မော်လိုက်မြို့ မြို့မ(၂)ရပ်ကွက်ရှိ သစ်တောရုံးမှာ ယနေ့(ဧပြီ ၅ရက်) နံနက် ၆နာရီခန့်တွင် မိုင်းခွဲဖျက်ဆီးခံရခြင်းဖြစ်သည်။
“ပေါက်ကွဲတာက တော်တော်းလေး ပြင်းတယ်ပြောရမယ်။ ပေါက်ကွဲပြီး မကြာခင် စစ်ခွေးတွေ ရောက်လာတယ်။ မကွဲသေးတဲ့ မိုင်အချို့လည်း ထပ်တွေ့ တယ်ကြားတယ်”ဟု ဒေသခံတစ်ဦးက ပြောသည်။
စစ်ကောင်စီလက်အောက်ခံ Non CDM သစ်တောဝန်ထမ်းများ သစ်ခိုးထုတ်မှု အလွန်ဆိုးရွားနေ ၍ ပြည်သူ့ကာကွယ်ရေးအဖွဲ့များက ယခုကဲ့သို့ မိုင်းဆွဲ တိုက်ခိုက်ခြင်းဖြစ်နိုင်ကြောင်း ဒေသခံများက သုံးသပ်သည်။
Public Service Announcement
မော်လိုက်မြို့ သစ်တောရုံးပေါက်ကွဲမှုအား မည်သည့်အဖွဲ့က ပြုလုပ်သည်ကိုမသိရသေးပေ။
စစ်ကိုင်းတိုင်းဒေသကြီးအတွင်း မော်လိုက်မြို့သည် စစ်အာဏာရှင် ဆန့်ကျင်ရေး လှုပ်ရှားမှုတွင် လူသိနည်းပြီး ယခုရက်ပိုင်းမှစ၍ တိုက်ခိုက်မှုအရှိန်မြှင့်မည်ဟု သတင်းများထွက်ပေါ်နေသည်။မော်လိုက်မြို့တွင် မော်လိုက်ပြည်သူ့ ကာကွယ်ရေးအဖွဲ့(Mawlaik People’s Defence Force-MLPDF)အပြင် ပြည်သူ့ကာကွယ်ရေးတပ်ဖွဲ့လေးဖွဲ့အထိ ရှိနေသည်။
