မကွေးတိုင်း ရေစကြိုမြို့မရဲစခန်းရှေ့တွင် ယနေ့ (ဧပြီ ၇ရက်) ည ၈နာရီခန့်က စစ်ကောင်စီလက်ပါးစေများကို မိုင်းဆွဲတိုက်ခိုက်ခဲ့ကြောင်း ရေစကြိုပြည်သူ့ကာကွယ် ရေးတပ်ဖွဲ့(PDF)က အသိပေးထုတ်ပြန်သည်။
ထိုသို့တိုက်ခိုက်မှုကြောင့် စစ်ကောင်စီလက်အောက်ခံ စစ်သား၊ ရဲနှင့် ပျူစောထီးတို့မှ လေးဦးသေဆုံးပြီး အများအပြား ဒဏ်ရာရရှိခဲ့ကြောင်း ဖော်ပြထားသည်။
ရေစကြို PDFသည် ယနေ့ နေ့လယ် ၁နာရီခန့်က ရေလယ်ကျွန်းမှ ပြန်လာသည့် စစ်ကောင်စီတပ်ဖွဲ့ဝင်များကို ပခန်းငယ်ရွာအနီး၌ မိုင်းဆွဲတိုက်ခိုက်ခဲ့ရာ စစ်ကောင်စီတပ်ဖွဲ့ဝင်များ အထိအခိုက်ရှိနိုင်သည်ဟု ဆိုသည်။
အလားတူ ယနေ့ နံနက် ၁၁နာရီခန့်ကလည်း ရေလယ်ကျွန်းမှပင်ပြန်လာသည့် စစ်ကောင်စီတပ်မှ ကား ၃စီးကို ဇီးကုန်းရွာအနီး မိုင်းဆွဲတိုက်ခိုက်ခဲ့ရာအများအပြားထိခိုက်ပြီး စစ်ကောင်စီတပ်ဖွဲ့ဝင် သုံးဦးနေရာတွင် သေဆုံးခဲ့သည်ဟု ရေစကြို PDFက ထုတ်ပြန်ထားသည်။
Public Service Announcement
