ထိုင်းနိုင်ငံကိုရောက်နေတဲ့ မြန်မာနိုင်ငံသားတွေအနေနဲ့ အကြမ်းဖက်အဖွဲ့အစည်းတွေကို ဆက်သွယ်ထောက်ပံ့ရင် အကြမ်းဖက်ပြစ်မှုနဲ့ ငြိစွန်းတယ်လို့ ဘန်ကောက်က စစ်ကောင်စီလက်အောက်ခံ မြန်မာသံရုံး ထုတ်ပြန်လာပါတယ်။
စစ်ကောင်စီဟာ NUG အပါအဝင် တော်လှန်ရေးအင်အားစုတွေကိုအကြမ်းဖက်အဖြစ် စွပ်စွဲထားတာပါ။
ဘန်ကောက်ကမြန်မာသံရုံးရဲ့ထုတ်ပြန်ချက်မှာဆိုရင် အကြမ်းဖက်အဖွဲ့တွေကို ဆက်သွယ်တာ ၊ ထောက်ပံ့ဖို့ ရန်ပုံငွေပွဲလုပ်တာ ၊ ငွေကြေးကောက်ခံနေတာတွေကို မလုပ်ကြဖို့ ဖော်ပြထားတာတွေ့ရပါတယ်။
ဒီလုပ်ရပ်တွေကိုကျုးလွန်သူဟာ အကြမ်းဖက်ဥပဒေနဲ့ ငြိစွန်းတယ်လို့လည်းခြိမ်းခြောက်ထားတာတွေ့ရပါတယ်။
Public Service Announcement
သံရုံးရဲ့ဖေ့ဘွတ်ခ်ပေ့ချ်ကနေ ထုတ်ပြန်ထားတဲ့ အဲဒီထုတ်ပြန်ချက်အောက်မှာပဲ အကြမ်းဖက်အဖွဲ့ဟာ စစ်ကောင်စီသာ ဖြစ်ကြောင်း မှတ်ချက်တွေရေးသားထားကြပါတယ်။
