တမူးမြို့တွင် PDF အမည်အသုံးချပြီး ဓားပြတိုက်၊ လုယက်နေသည့် ပျူစောထီး အဖွဲ့ကို ဒေသကာကွယ်ရေးတပ်ဖွဲ့နှစ်ခုက သုတ်သင်

စစ်ကိုင်းတိုင်း၊ တမူးမြို့တွင် PDF အမည်အသုံးချပြီး ဓားပြတိုက်၊ လုယက်နေ သည့် ပျူစောထီးအဖွဲ့ကို ဒေသခံကာကွယ်ရေးတပ်ဖွဲ့နှစ်ခုက ပူးပေါင်း သုတ်သင်ခဲ့ကြောင်း ယနေ့ (ဧပြီ ၁၆ရက်) သင်္ကြန်အတက်နေ့တွင် သတင်းထုတ်ပြန်သည်။

ကဘော်ချိုင့်ဝှမ်းPDFထိန်းချုပ်နယ်မြေရှိ တမူး – အောင်ဇေယျကားလမ်း တစ်လျှောက် ဓါးပြတိုက်လုယက်နေသော အဆိုပါအဖွဲ့ကို PDF – Combat Engineer Unit (စစ်မြေပြင်အင်ဂျင်နီယာတပ်ဖွဲ့)နှင့် တပ်CDM ရဲဘော်များက ပူးပေါင်းသုတ်သင် ရှင်းလင်းလိုက်ခြင်းဖြစ်သည်ဟု ဆိုသည်။

ဧပြီ ၁၅ ရက်တွင် PDF(တမူး)ထိန်းချုပ်နယ်မြေတွင် နေလယ် ၂နာရီခန့်က တမူး – အောင်ဇေယျ ကားလမ်းပေါ်တွင် သွားလာနေသည့် ပြည်သူများကို PDF(တမူး)က ဖမ်းဆီးလုယက်နေသည်ဟု သတင်းရရှိခဲ့သည်၊။

ထိုကြောင့် ဒေသခံကာကွယ်ရေးတပ်ဖွဲ့နှစ်ခုက ထိုနေ့ ည ၉နာရီအချိန်တွင် အဆိုပါအဖွဲ့ကို သုတ်သင်ရှင်းလင်နိုင်ခဲ့ပြီး ခါးချိုးသေနတ်တစ်လက် ၎င်းကျည် ၅ တောင့်၊ အိန္ဒိယရူပီးငွေ ၅၅,၀၀၀ ၊ ကျပ် ၂၁၀၀၀နှင့် လက်ကိုင်ဖုန်း၁လုံး တို့ကိုသိမ်းဆည်းရမိခဲ့သည်ဟု ဆိုသည်။

Public Service Announcement

ထိုသို့ လုယက်နေသူများသည် ဆရာစံရွာသား ကျော်ဇင်ထွန်း၊ကျော်နိုင်ထွန်း (ခ)သားကြီး နှင့် ဖိုးချစ်တို့ဖြစ်ပြီး နှစ်ဦးသေဆုံးကာ ကျော်နိုင်ထွန်းမှာ ထွက်ပြေးလွတ်မြောက်သွားသည်ဟု ဖော်ပြထားသည်။

သိမ်းဆည်းရမိသည့် ငွေများကိုလည်း မူလပိုင်ရှင်ထံ ပြန်လည်လွှဲပြောင်း ပေးပြီးဖြစ် ကြောင်းလည်း ဒေသခံကာကွယ်ရေးတပ်များက ထုတ်ပြန်ထားသည်။