ပြင်ဦးလွင်မြို့တွင် ပျော်ပါးနေသည့် ပြည်သူများကို ထိခိုက်မည်စိုး၍ Mission ဖျက်ပြန်လာသည့် ပြည်သူ့ကာကွယ်ရေးတပ်ဖွဲ့ဝင်နှစ်ဦးကို အကြမ်းဖက်စစ်ကောင် စီက ဖမ်းဆီးခဲ့ကြောင်း May Myo Revolution Urban Guerrilla (MMRUG)က သတင်းထုတ်ပြန်သည်။
“ယနေ့ MMRUG အဖွဲ့မှ ရဲဘော်နှစ်ဦး Mission လုပ် ဆောင်ရာတွင် မိဘပြည်သူများ ပျော်ပါးနေခြင်းကို ထိခိုက်နစ်နာမှုများမဖြစ်စေလိုသောကြောင့် Mission ဖျက်၍ ပြန်ဆုတ်ရာတွင် စခများဆွဲခြင်းခံခဲ့ရပါသည်။ဤဖြစ်ရပ်ကြောင့် မိမိတို့အဖွဲ့ဘက်မှ များစွာထိခိုက်နစ်နာမှုများရှိခဲ့ပါသည်”ဟု အသိပေးသည်။
ထို့ကြောင့် ပြည်သူများအနေဖြင့် စစ်ဘက်ဆိုင်ရာပစ်မှတ်နေရာများကို အထူးရှောင်ရှားရန်နှင့် ၎င်းတို့အဖွဲ့၏ Missionလုပ်ဆောင်၍ ထိခိုက်မှုရှိပါက တာဝန်ယူမည်မဟုတ်ကြောင်းလည်း အသိပေးထားသည်။
“မေမြို့တွင်လာရောက်လည်ပတ်နေကြတေ့ာ မိဘပြည်သူများအား အထူးသတိပေးပါရစေ။ ယခုရက်ပိုင်း စစ်ကောင်စီတပ်ဖွဲ့ဝင်များမှ လမ်းမတန်းများ လမ်းဆုံများ၌ ရှောင်တခင် စစ်ဆေးမှုများ လုပ်ဆောင်နေကြောင်း သိရှိရသည့်အတွက် မိမိကား မိမိဆိုင်ကယ်မှ အစစ်အဆေးများ ကျော်ဖြတ်ခဲ့သည်ရှိသော် မျက်နှာ ချင်းဆိုင်ယာဉ်များရှေ့တွင် စစ်ဆေးရေးရှိသည်ကို သတိပြုမိကြစေရန်အတွက် ပြည်သူများမှ ကားမီးထိုးအချက်ပြခြင်း ဟွန်းတီးခြင်းများပြုလုပ်ခြင်းဖြင့် တော်လှန်ရေးအဖွဲ့များ သတိပြုမိကြစေရန် ပြည်သူမှ ပြည်သူသို့ scout ပြုလုပ်ခြင်းဖြင့် ပူးပေါင်းကူညီပေးကြပါရန်နှင့် ရဲဘော်များ မှ ဆုတ်ခွါချိန်တွင် အချက်ပြတွန်းတီး၍ လမ်းတောင်းပါကလဲ အမြန်ဆုံး လမ်း ကြောင်းရှင်းပေးကြပါရန် ထပ်မံ၍အသိပေးတောင်းဆိုအပ်ပါသည်။”ဟု မေမြို့ ပင်မသပိတ်အထွေထွေအင်အားစုက အသိပေးနှိုးဆော်ထားသည်။
Public Service Announcement
ထို့အပြင် ပြည်သူ့တော်လှန်ရေးသမားများမှ Mission များ ပြုလုပ်ပြီးသည်ရှိသော် အနီးပတ်ဝန်း ကျင်ရှိ ပြည်သူများအနေဖြင့် မိမိနေအိမ် ၊မိမိရုံး၊ မိမိပိုင်ဆိုင်သောအဆောက်အအုံများ၌ CCTVများတပ်ဆင်ထားပါက အမြန်ဆုံးဖြုတ်ပေးထားကြပြီး ပြည်သူအချင်းချင်းပူးပေါင်းကူညီကြပါရန် ထပ်မံ နှိုးဆော်ထားသည်။
