Connect with us

Hi, what are you looking for?

LuduNwayOo

News

ထီးလင်းမြို့နယ် ကျင်းရွာရဲစခန်းကို ထီးလင်းPDF သိမ်းပိုက်၊ စခန်းမှူး​သေဆုံး

ထီးလင်းတွင် ပြည်သူ့ကာကွယ်ရေးတပ်(PDF)နှင့် ယောဒေသကာကွယ်ရေးတပ်(YDF)တို့က စစ်ကောင်စီတပ်ကိုခုခံတိုက်ခိုက်မှုများလုပ်ဆောင်လျက်ရှိသည်

မကွေးတိုင်း၊ထီးလင်းမြို့နယ် ကျင်းကျေးရွာရဲစခန်းကို ဝင်ရောက်သိမ်းပိုက်နိုင်ခဲ့ပြီး စခန်းမှူးသေဆုံးကြောင်း ပြည်သူ့ကာကွယ်ရေးတပ်ဖွဲ့ (ထီးလင်း) တာဝန်ရှိသူတစ်ဦးက အတည်ပြုသည်။

ယနေ့(ဧပြီ ၁၇ ရက်) နံနက်ပိုင်းတွင် ကျင်းစခန်းကို ဝင်ရောက်သိမ်းပိုက်နိုင်မှုသည် ယောဒေသ(ဂန့်ဂေါ၊ထီးလင်း၊ဆော၊လောင်းရှည်၊ကျောက်ထု) တွင် ပထမဆုံးအောင်ပွဲ ဖြစ်သည်ဟု ဆိုသည်။

ထို့အပြင် အကြမ်းဖက်စစ်တပ်က နေ့လည် (၁)နာရီခန့်တွင် Mi35ဖြင့် လာရောက်ပစ် ခတ်ခဲ့သော်လည်း ပြည်သူ့ရဲဘော်များဘေးကင်းစိတ်ချရသည့် အခြေအနေသို့ ရောက်ရှိပြီဟု အထက်ပါတာဝန်ရှိသူက အတည်ပြုသည်။

“ဝင်သိမ်းနိုင်ခဲ့တာ အတည်ပြုပါတယ်။မကြာခင် သက်ဆိုင်ရာ တပ်ဖွဲ့က သတင်းထုတ်ပြန်ပါလိမ့်မယ်”ဟု၎င်းကပြောသည်။

Public Service Announcement

Public Service Announcement

Public Service Announcement

ထီးလင်း​ဒေသရှိ အခြား PDF မှတာဝန်ရှိသူတစ်ဦးကလည်း“စခန်းသိမ်းတယ်ပြောတယ်။ အသေးစိတ်တော့ မသိရသေးဘူး။ သတင်းကြားထားတာက စခန်းမှူးအသစ်ရောက်လာတာ။ အရင်ကတော့ သူတို့က ညှိနှိုင်းပြီးနေနေကြတာ PDFနဲ့ ကျင်းစခန်းနဲ့က။ အခုကတော့ စခန်းမှူးအသစ် ရောက်လာလို့ ညှိနှိုင်းမှု မရလို့ သိမ်းလိုက်တဲ့ သဘောလို့ ပြောတယ်” ဟု ​ပြောသည်။

ယ​နေ့(ဧပြီ ၁၇ရက် )နံနက် ၁၁နာရီ ၄၅ မှစ၍ အင်အား ၁၇ဦးခန့်ရှိ ကျင်းရဲစခန်းကို ထီးလင်း PDFက ဝင်သိမ်းရာ ပစ်ခတ်မှု ဖြစ်ပွားခဲ့ ကြောင်း ကာကွယ်ရေးတပ်ဖွဲ့တာဝန်ရှိသူက ပြောသည်။

“စခန်းမှူးကျသွားတယ်လို့ ကြားတယ်။အတည်တော့ မပြုရသေးဘူး။ ကျန်တဲ့ ရဲတွေကတော့ ပူးပေါင်းဖို့များပါတယ်။ အရင်ကတိုင် သူတို့က ညှိနှိုင်းမှုတွေရှိပြီးသားဆိုတော့လေ” ဟု ၎င်းက ဆိုသည်။

အဆိုပါ ဖြစ်စဉ်တွင် စစ်ကောင်စီတပ်က လေကြောင်း ပစ်ကူလာရောက်သော်လည်း အနည်းငယ်သာ ပစ်ခတ်ပြီး ပြန်သွားသည်ဟုဆိုသည်။ PDF တပ်ဖွဲ့ဝင်များ ထိခိုက်ကျဆုံးမှုမကြားရဟုလည်း ၎င်းကဆက်ပြောသည်။

ထီးလင်းတွင် ပြည်သူ့ကာကွယ်ရေးတပ်(PDF)နှင့် ယောဒေသကာကွယ်ရေးတပ်(YDF)တို့က စစ်ကောင်စီတပ်ကိုခုခံတိုက်ခိုက်မှုများလုပ်ဆောင်လျက်ရှိသည်

ယမန်နေ့ကလည်း ထီးလင်းမြို့နယ် ဆေးမင်းတောကျေးရွာ ရဲစခန်းကို အလစ်ငိုက် ဝင်တိုက်ရာ စစ်ကောင်စီလက်ပါးစေ ရဲ​လေးဦးသေဆုံးကြောင်း YDF(ထီးလင်း)က ထုတ်ပြန်ထားသည်။

ရဲနှင့် စစ်သားများအနေဖြင့် အာဏာရူးမင်းအောင်လှိုင် ၏အသက်၊အိုးအိမ်၊စည်းစိမ်ကိုကာကွယ်ရင်း ပြည်သူများ၏မုန်းတီးမှုကို ခါးစည်းခံမည့်အစား CDM လုပ်၍ပြည်သူ့ရင်ခွင်ခိုလှုံကာ တရားဓမ္မဘက်မှရပ်တည်ရန် အမှားကို မြင်၍ အမှန်ဘက် ရပ်တည်ရန် ထီးလင်း YDFက တိုက်တွန်းပြီး မည်သည့်ရဲသား၊စစ်သားကိုမဆို အချိန်မရွေး နွေးနွေးထွေးထွေးကြိုဆိုကာ လွတ်မြောက်နယ်မြေများသို့ တာဝန်ယူပို့ဆောင်ပေးမည်ဟု ကတိပြုသည်။

ထို့အပြင် လက်နက်၊ခဲယမ်း(Equipment) အပြည့်အစုံဖြင့်အလင်းဝင်လာပါက ဆုကြေးငွေကျပ်သိန်း(၅၀)ချီးမြှင့်သွားမည်ဟု ထီးလင်း YDFက ထုတ်ပြန်ခဲ့ပြီး CDM လုပ်လိုသူရဲသား၊စစ်သားများအနေဖြင့် 09-404418991၊ 09-449624480 သို့ ဆက်သွယ် အကူအညီ တောင်းခံနိုင်ကြောင်းအသိပေးသည်။

ဆက်စပ်သတင်းများ

နိုင်ငံတကာ

လူမှုကွန်ရက် မီဒီယာပေါ် ပျံ့နှံ့လာတဲ့ ဗီဒီယိုတွေထဲမှာတော့ အနက်ရောင်တွေ ဝတ်ထားပြီး ချေမှုန်းရေး ရိုင်ဖယ်တွေ ကိုင်ဆောင်ထားတဲ့ သေနတ်သမားတွေက ရဲကားတွေနဲ့ တခြားပစ်မှတ်တွေကို တိုက်ခိုက်နေတာ တွေ့ရပါတယ်။

သတင်း

ကနေဒီတောင်ကြော အပြန်အလှန် ထိန်းချုပ်နိုင်မှု ဖော်ပြချက်နှင့်ပတ်သက်ပြီး ပြည်သူများက ချင်းတပ်ဖွဲ့နှစ်ခုကို အချင်းချင်း စည်းလုံးရန် တိုက်တွန်းမှုများရှိသည်။

နိုင်ငံတကာ

အစ္စရေး စစ်တပ်ကတော့ လေတပ် တိုက်လေယာဉ်တွေဟာ ဟားမားစ်တွေရဲ့ အခြေခံ အဆောက်အအုံ နေရာတွေကို ပစ်မှတ်ထား တိုက်ခိုက်ခဲ့ပြီး အသေးစိတ် အချက်အလက်တွေကို မကြာခင် ထုတ်ပြန်သွားမယ်လို့ ကြေညာထားပါတယ်။

သတင်း

ဇွန်လ ၁၇ ရက် မနက်တွင် စုကလိစခန်းအား ဝင်ရောက်တိုက်ခိုက်ကာ ဇွန်လ ၂၁ရက်တွင် စခန်းတစ်ခုလုံးအား အပြီးသတ် ရှင်းလင်းနိုင်ခဲ့ခြင်းဖြစ်သည်။