ပြည်သူလူထုကို ဗုံးကြဲတိုက်ခိုက်နေသည့် အကြမ်းဖက်စစ်ကောင်စီ အဖွဲ့ဝင်လေယာဉ်မှူး ဗိုလ်မှူးအောင်ကိုဇော်အား ယနေ့ နေရက်သို့ပြန်လာစဥ် ပြည်သူ့ကာကွယ်ရေးတပ်ဖွဲ့ဝင်များက ပစ်ခတ်တိုက်ခိုက်ခဲ့ရာ ဒဏ်ရာရရှိသွားကြောင်း ပဲခူးဒေသ ပြည်သူ့ကာကွယ်ရေးတပ်(PDF)က သတင်းထုတ်ပြန်သည်။
အကြမ်းဖက်စစ်ကောင်စီ လေယာဉ်မှူး ဗိုလ်မှူးအောင်ကိုဇော်သည် အမှတ် ၃၀၁၇ လေကြောင်းရန်ကာကွယ်ရေးတပ်ရင်း ၊ မင်္ဂလာဒုံလေ တပ်စခန်းကဖြစ်ပြီး ချင်းပြည်နယ် ၊ စစ်ကိုင်းတိုင်း ၊ ကရင်ပြည်နယ် နှင့် မကွေးတိုင်းတို့ရှိ ပြည်သူ့ အသက်အိုးအိမ် တို့အား ဗုံးကြဲတိုက်ခိုက်နေသော Mi-35P နှင့် Mi-17 တောင်ပိုင်းလေတပ်ကွပ် ကဲဌာနချုပ်ရှိ ပိုင်းလော့ ဗိုလ် နှင့် ဗိုလ်မှူးစာရင်း ၅၄ ဦးထဲတွင် ပါဝင်ကြောင်း ထုတ်ပြန်ချက်တွင်ဖော်ပြထားသည်။
ဗိုလ်မှူးအောင်ကိုဇော်သည် ၎င်း၏ မွေးရပ်ဇာတိ ပဲခူးတိုင်းဒေသကြီး ရွှေတောင်မြို့သို့ ခေတ္တရောက်ရှိနေချိန် ပဲခူးတိုင်း ပြည်ခရိုင် တပ်ရင်း ၃၆၀၂ ၊ တပ်ခွဲ(၃) မှ PDF တပ်ဖွဲ့ဝင်များက ယနေ့ ဧပြီ ၁၇ရက် နံနက် ၈နာရီခွဲတွင် ပစ်ခတ်တိုက်ခိုက်ခဲ့ခြင်းဖြစ်သည်။
၎င်းအား မိုင်းခွဲတိုက်ခိုက်ရန်စီစဉ်ထားခဲ့သော်လည်း မိသားစု နှင့် ကလေးသူငယ်များပါဝင်နေ၍ မိသားစုဝင်များကိုထိ့ခိုက်မည်စိုး၍မိုင်းခွဲ တိုက်ခိုက်မှုအစီအစဉ်ကို ဖျက်သိမ်းခဲ့ပြီး အနီးကပ် ပစ်ခက်တိုက်ခိုက်ခဲ့ကြောင်း ပဲခူးတိုင်း PDFက ထုတ်ပြန်သည်။
ထိုသို့ပစ်ခတ်တိုက်ခိုက်ခံရမှုကြောင့်စစ်ကောင်စီလေယာဥ်မှူးမှာကျည်တစ်ချက်ထိ့မှန်ခဲ့ပြီး နေ့လည်ပိုင်းတွင် စစ်ကောင်စီကားများ စောင့်ကြပ်လျှက်ရှိသော ပရဟိတကားတစ်စီးဖြင့် ဆေးကုသမှုခံယူရန် ရန်ကုန်ဘက်သို့ အရေးပေါ်ထွက်ခွာသွားသည်ဟု ဖော်ပြထားသည်။
Public Service Announcement
ပဲခူးတိုင်းဒေသကြီးအတွင်းရှိ ပြည်သူ့ကာကွယ်ရေးတပ်ဖွဲ့များအနေဖြင့် အကြမ်းဖက်စစ်ကောင်စီ နှင့် ၄င်းတို့ ထောက်တိုင်များကို ယခုထက်ပိုမိုပြင်းထန်သော တိုက်ခိုက်မှုများ ဆက်လက်ပြုလုပ်သွားမည် ဟုလည်း ပဲခူးတိုင်း PDFက ထုတ်ပြန်ထားပြီး ပြည်သူလူထုအနေဖြင့် အကြမ်းဖက် စစ်ကောင်စီတပ်ဖွဲ့ ဝင်များ ၊ ဒေါက်တိုင်များ ၊ စစ်ကောင်စီစခန်းများ ၊ အကြမ်းဖက်စစ်ကောင်စီယာဉ်များနှင့် နီးကပ်စွာသွားလာနေထိုင်ခြင်းမျိုး မပြုလုပ်ရန် သတိပေးထားသည်။
ဧပြီ ၁၅ ရက်နေ့ကလည်း သာယာဝတီခရိုင် နတ်တလင်းမြို့နယ် လှပခြင်းကျေးရွာအုပ်စု ထန်းပင်ကုန်းတွင် နေထိုင်သည့် အကြမ်းဖက်စစ်ကောင်စီခန့် အုပ်ချုပ်ရေးမှူး ဦးမြင့်လွင်အား သာယာဝတီခရိုင် တပ်ရင်း ၁ တပ်ခွဲ ၂ မှသုတ်သင်ရှင်းလင်းခဲ့ကြောင်း အသိပေးထားသည်။
