“နန်းထိုက်အောင်”စစ်ဆင်ရေးအစိတ်အပိုင်းတစ်ခု အဖြစ် ရွှေပြည်သာမြို့နယ်ရှိ အကြမ်းဖက်စစ်ကောင်စီ တပ်စွဲထားသည့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးရုံးနှင့် အုပ်ချုပ်ရေးမှူးရုံးကို ဖောက်ခွဲတိုက်ခိုက်ခဲ့ကြောင်း ရွှေပြည်သာမြို့နယ်ကာ ကွယ်ရေးတပ်ဖွဲ့(SDF)က ထုတ်ပြန်သည်။
ယနေ့(ဧပြီ ၂၀ရက်)ည ၈နာရီခန့်က လှော်ကားလမ်းမကြီးပေါ်ရှိ လူကယ်ပြန်ရုံးကို ဖောက်ခွဲတိုက်ခိုက်ခဲ့ရာ စစ်ကောင်စီတပ်သားများ သေဆုံးမှုကိုမူ မသိရသေးဟု ဆိုသည်။
“အဲဒီလူကယ်ပြန်ရုံးက နှစ်ထပ်အသစ် ဆောက်ထားတာ မကြာသေးဘူး။ပေါက်ကွဲတဲ့အသံ ကြားရတာတော့ အကျယ်ကြီးပဲ။စခတွေ သေ၊မသေတော့ မသိနိုင်သေးဘူး”ဟု ရွှေပြည်သာမြို့နယ်နေသူတစ်ဦးက People’s Springသို့ ပြောသည်။
ယမန်နေ့ကလည်း ရွှေပြည်သာမြို့နယ် ထ/၁၆ ရပ်ကွက် အုပ်ချုပ်ရေးမှူးရုံး ဖောက်ခွဲတိုက်ခိုက်ခံရကြောင်း သိရသည်။
Public Service Announcement
တိုက်ခိုက်မှု ဖြစ်စဥ်များအနက် SDF ရဲဘော်များ အန္တရာယ်ကင်းစွာဆောင်ရွက်နိုင်ခဲ့သည်ဟူ ထုတ်ပြန်ချက်၌ ဖော်ပြသည်။
