ကရင်နီ(ကယား)ပြည်နယ် ဒီးမော့ဆိုမြို့နယ်၌ နယ်မြေရှင်းလင်းရေးပြုလုပ်စဥ် ရဲဘော်တစ်ဦး မိုင်းနင်းမိ၍ ခြေထောက်နှစ်ဖက်ဆုံးရှုံးခဲ့ရကြောင်း ကရင်နီအမျိုးသားများကာကွယ်ရေးတပ်(KNDF)တပ်ရင်း-၉ က ထုတ်ပြန်သည်။
ယနေ့(ဧပြီ ၂၂ ရက်) နံနက် ၇နာရီခန့်က KNDFတပ်ရင်း(၉)နှင့် ပူပေါင်းတပ်များနယ်မြေရှင်းလင်းမှု ပြုလုပ်နေစဥ် ရဲဘော်တစ်ဦးမိုင်းနင်းမိခဲ့ခြင်းဟုဆို သည်။
မိုင်းနင်းမိခဲ့သည့် ရဲဘော်သည် မိဘပြည်သူများ လုံခြုံမှုရှိစေရန်နှင့် အာဏာရှင်အမြစ်ပြတ်ခြေမှုန်းရေးတွင် အားသွန်ခွန်စိုက်ပါဝင်ခဲ့သူတစ်ဦးဖြစ်သည်ဟု KNDF က အသိပေးသည်။
လက်ရှိ ကရင်နီပြည်နယ်ရှိ တိုက်ပွဲဖြစ်ပွားရာ (လွိုင်ကော်၊ဒီးမော့ဆို၊ဖရူဆို၊မိုးဗြဲ နှင့် ဖယ်ခုံ) ကျေးရွာများနှင့် အများပြည်သူသွားရာ လမ်းများ၌ မြေမြုတ်နင်းမိုင်းအများအပြားကို အကြမ်းဖက်စစ်တပ်က အသုံးပြုလျှက်ရှိသည်။
Public Service Announcement
ထို့ကြောင့်မိဘပြည်သူများ အသွားလာ သတိထားရန် ကရင်နီအမျိုးသားများကာကွယ်ရေးတပ်က တိုက်တွန်းသည်။
