စစ်သားနှင့် ပျူ ၃၀ထက်မနည်းသေဟု Zeroပြောက်ကျားတပ်ဖွဲ့ ထုတ်ပြန်၊ မူးမြစ် ဖြတ်ကူးစဥ် Zero ပြောက်ကျားတပ်မှ ရဲဘော်တစ်ဦး ရေစီးနှင့်မျောပါ ကျဆုံးခဲ့ရ
စစ်ကိုင်းတိုင်း၊ စစ်ကိုင်းမြို့နယ် ညောင်ပင်ရှည်ကျေးရွာအား မီးရှို့ဖျက်ဆီးနေ သော စစ်ကောင်စီတပ်နှင့် ပျူစောထီးပူးပေါင်းအဖွဲ့ကို ပြည်သူ့ကာကွယ်ရေး တပ်ပေါင်းစုက စီးနင်းတိုက်ခိုက်ရာ ၃၀ထက်မနည်း သေဆုံးနိုင်ကြောင်း Zeroပြောက်ကျားတပ်ဖွဲ့( မြင်းခြံ )က ထုတ်ပြန်သည်။
“ဒီမနက် (ဧပြီ ၂၂ ရက်)မနက်အစောပိုင်းက ညောင်ပင်ရှည်ကျေးရွာကို မီးရှို့ လူသတ်နေတယ် ကြားတာနဲ့ ကျွန်တော်တို့အဖွဲ့ နဲ့ နယ်မြေခံတပ်ပေါင်းစု တွေချိတ်ဆက်ပြီး ဝင်တိုက်တာ “ဟု Zero ပြောက်ကျားတပ်ဖွဲ့ ဦးဆောင်သူ ကိုသက်ကြီးက People’s Springသို့ ရှင်းပြသည်။
နံနက် ၁၁နာရီကစ၍ ကျားထိုးတိုက်ခိုက်ခဲ့သည့် တိုက်ပွဲမှာ ညနေ ၃နာရီခန့် အထိ ပြင်းထန်ခဲ့ပြီး အကြမ်းဖက်စစ်တပ်က လေကြောင်းပစ်ကူနှင့် သံချပ်ကာ တပ်ကူများ ရောက်ရှိလာခဲ့ကြောင်း ၎င်းက ဆိုသည်။
Public Service Announcement
“သူတို့ ဘက်က Mi 35 တွေရောက်လာလို့ ကျွန်တော်တို့ ပြန်ဆုတ်ခဲ့ရတာပေါ့။ တိုက်ပွဲအတွင်း ကျွန်တော်တို့ နယ်မြေခံရဲဘော်ကင်း ထောက်တွေ ရဲ့ အမြင်အရ စခတွေ ဘယ်လောက်သေလဲ ဆိုရင် တစ်ယောက်တည်းနဲ့ သေနတ် နှစ်လက်ကိုင်ပစ်ခဲ့ရတယ်။ တပ်ပေါင်းစုက ရဲဘော်ငါးဦး တော့ ဒဏ်ရာရခဲ့တယ်။ကျွန်တော်အဖွဲ့က ရဲဘော်က လက်မှာ လက်နက်ကြီးကျည်စမှန်တာ” ဟု ကိုသက်ကြီးက ပြောသည်။
သို့သော် မူးမြစ်ကို ခြေလျင်ဖြတ်ကူး၍ ပြန်လည်ဆုတ်ခွာချိန်၌ Zero ပြောက်ကျားတပ်ဖွဲ့ဝင်ရဲဘော်တစ်ဦး ရေစီးနှင့်မျောပါသွား၍ ကျဆုံးခဲ့ရသည်။
“ခုနှစ်ယောက်တစ်တွဲ မူးမြစ်ကို ချိတ်ပြီး ဖြတ်တာပေါ့။အဲဒီအချိန် ဖုန်းပြုတ်ကျသွားတော့ သူက လိုက်ရှာရင် ကျောက်ဆောင်နဲ့ ညပ်ပြီး ပြန်ပေါ်မလာတော့ဘူး။သူ့ Bodyကိုတော့ ညနအထိ ကျွန်တော်တို့ စောင့်ရှာရင်းရခဲ့တယ်။ သဂြိုလ်လည်းပြီးပါပြီ”ဟု Zero ပြောက်ကျားတပ်ဖွဲ့ ဦးဆောင်သူက ရှင်းပြသည်။
ယနေ့တိုက်ပွဲတွင် Zero ပျောက်ကြားတပ်ဖွဲ့( မြင်းခြံ )နှင့် အတူစစ်ကိုင်းတိုင်း တပ်ပေါင်းစု ၊ မြင်းမူတပ်ပေါင်းစု၊အရာတော်တပ်ပေါင်းစုတို့ ပူးပေါင်းတိုက်ခိုက်ခဲ့ သည်ဟု ထုတ်ပြန်ချက်၌ ဖော်ပြသည်။
