Connect with us

Hi, what are you looking for?

LuduNwayOo

News

ပြည်သူ့ခုခံစစ်အရှိန်မြှင့်လာပြီး​နောက်ရှမ်းပြည်တောင်ပိုင်းမှစစ်​ကောင်စီဆန့်ကျင်သူများကိုဖိနှိပ်ရန်လုပ်လာ

လတ်တလောတွင် ဓနုကိုယ်ပိုင်အုပ်ချုပ်ခွင့်ရဒေသ ရွာငံမြို့အား စစ်ကောင်စီကအကြမ်းဖက်နေပြီး ကလောနှင့်အောင်ပန်းမြို့ရှိ ဒီချုပ်ပါတီဝင်များနှင့် ပါတီ ထောက်ခံသူများကို ဖမ်းဆီးရန် စစ်ကောင်စီက ကြိုးစားလာခြင်းဖြစ်သည်။

(ရွာငံမြို့နယ်မှ ​နေအိမ်အချို့ ကို စစ်​ကောင်စီတပ်ကဖျက်ဆီးထားစဥ် ။ ဓါတ်ပုံ-CJ)

ရှမ်းပြည်နယ်တောင်ပိုင်းဒေသတွင် ပြည်သူ့ခုခံစစ် အရှိန်မြင့်လာပြီးနောက် ဒေသတွင်း ဒီချုပ်ပါတီနှင့် ဆက်စပ်သူများ၊ စစ်အာဏာရှင်ဆန့်ကျင်ရေးလှုပ်ရှားသူများကို ဖမ်းဆီးရန် စစ်ကောင်စီက ကြိုးစားနေသည်ဟု ပြည်သူ့ကာကွယ်ရေးအဖွဲ့များက သတိပေးသည်။

လတ်တလောတွင် ဓနုကိုယ်ပိုင်အုပ်ချုပ်ခွင့်ရဒေသ ရွာငံမြို့အား စစ်ကောင်စီကအကြမ်းဖက်နေပြီး ကလောနှင့်အောင်ပန်းမြို့ရှိ ဒီချုပ်ပါတီဝင်များနှင့် ပါတီ ထောက်ခံသူများကို ဖမ်းဆီးရန် စစ်ကောင်စီက ကြိုးစားလာခြင်းဖြစ်သည်။

“အကြမ်းဖက်စစ်ကောင်စီတပ်များသည် ကလောမြို့နယ်အတွင်း(အထူးသဖြင့်က‌လော/အောင်ပန်း) တော်လှန်ရေးနှင့်ပတ်သက်သောသူများအား ၎င်းတို့ရရှိထားသမျှ စာရင်းအလိုက် တစ်ဦးချင်းတစ်ယောက်ချင်းစီကိုဖမ်းဆီးရန် ပြင်ဆင်နေကြောင်း သတင်းရရှိသည်။ ထို့အပြင် NLDပါတီနှင့် ဆက်စပ်သူများ၊ အမာခံများကိုလည်း ဖမ်းဆီးရန် အစီအစဉ်ရှိကြောင်း သိရသည်။ သို့ဖြစ်ပါ၍ မိမိတို့အချင်းချင်း တီးတိုးတိုင်ပင်ဆွေးနွေးကာ ဘေးလွတ်ရာ ရှောင်ရှားနေထိုင်ကြရန် သတိပေးတိုက်တွန်းလိုပါသည်” ဟု ပြည်သူ့ကာကွယ်ရေးအဖွဲ့များ၏ သတင်းထုတ်ပြန်ရေးလူမှုကွန်ရက်စာမျက်နှာ Kalaw Township Media က သတိပေးထားသည်။

ပြည်သူ့ခုခံစစ် အရှိန်မြင့်လာသော ရှမ်းပြည်နယ်တောင်ပိုင်းဒေသတွင် ပြီးခဲ့သည့် ရက်အနည်းငယ်က ပြည်သူ့ကာကွယ်ရေးတပ်ဖွဲ့၏ တိုက်ခိုက်မှုကြောင့် စစ်ကောင်စီဘက်က ဗိုလ်မှုးအပါအဝင် လေးဦးသေဆုံးခဲ့သည်။ ထို့အပြင် ရှမ်းပြည်နယ်တောင်ပိုင်းဒေသအခြေစိုက် ပြည်သူ့ကာကွယ်ရေးအဖွဲ့ ​ခြောက်ဖွဲ့ကလည်း အမျိုးသားညီညွတ်ရေးအစိုးရ၏ ဦးဆောင်မှုနှင့်အတူ ရှမ်းတောင်တော်လှန်
ရေးလူငယ်များအဖွဲ့ဟူ၍ဖွဲ့စည်းကာတော်လှန်ရေးအရှိန်မြှင့်မည်ဟုကြေငြာထားသည်။

Public Service Announcement

Public Service Announcement

ထိုအပြင်ရွာငံဒေသကို ထိုးစစ်ဆင်နေသည် စစ်ကောင်စီရန်ကို ကြောက်လန့်၍ ရွာအနီးဝန်းကျင်တွင် ပုန်းအောင်းနေသည့် ဒေသခံပြည်သူ ၆ဦးကို စစ်ကောင်စီက PDFဟုစွပ်စွဲပြီးသတ်ဖြတ်သွားကြောင်း ရွာငံပြည်သူ့ကာကွယ်ရေးတပ်ဖွဲ့(Ywangan People’s Defense Force)က ဧပြီ (၂၂)ရက်တွင်သတင်းထုတ်ပြန်ထားသည်။

ဆက်စပ်သတင်းများ

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။

သတင်း

ပစ်ခတ်ခံရသူမှာ စဥ့်ကူးမြို့ ပဲလှော်ဖိုဆိုင်မှ အသက်(၆၀)ကျော်အရွယ် ဦးထွန်းမင်း(ခ)ဦးထုတ်ကြီးဆိုသူဖြစ်ပြီး သေဆုံးခြင်းရှိ၊မရှိ မသိရသေးပေ။

သတင်း

ဗီဒီယိုတွေထဲက ပုံရိပ်တွေအရ နှိပ်စက်ညှင်းပန်းမှု၊ ရိုက်နှက်မှု၊ ရှော့ရိုက်မှု၊ လိင်အကြမ်းဖက်မယ်လို့ ခြိမ်းခြောက်မှုစတဲ့ လုပ်ရပ်တွေ ကျူးလွန်နေတာ၊ အမျိုးသမီး ၂ ဦး အပါအဝင် ထိန်းသိမ်းခံရသူ ၄၈ ဦးလောက် ရှိနေတာတွေကို ဆန်းစစ် အတည်ပြုနိုင်ခဲ့တယ်လို့လည်း Fortify Rightsက ဖော်ပြသွားခဲ့ပါတယ်။