ဆိုင်ရှင်အမျိုးသားကိုသတ်ဖြတ်တဲ့ သွေးသောက်အဖွဲ့ဟာ စစ်အုပ်စုနဲ့ဆက်နွယ်တဲ့အဖွဲ့လို့ဒေသခံတွေယူဆ
မန္တလေး ၊ချမ်းအေးသာစံမြို့နယ်အတွင်း လူသိများတဲ့ စိန်ဝင်းဝင်း လက်ဖက်ရည်ဆိုင်ပိုင်ရှင် လင်မယားကို မနေ့က ညပိုင်း စစ်ကောင်စီတပ်ဖွဲ့ဝင်တွေလာရောက်ဖမ်းဆီးသွားပြီး ဒီနေ့ မနက်ပိုင်းမှာ မြို့နယ် NLD ပါတီရုံးနား ဆိုင်ရှင်အမျိုးသားရဲ့ အလောင်း ကိုလာစွန့်ပစ်သွားတယ်လို့သိရပါတယ်။
ချမ်းအေးသာစံမြို့နယ် NLD ပါတီရုံးနား ဆိုင်ရှင်အမျိုးသားအလောင်းကို လာစွန့်ပစ်ရာမှာ အမျိုးသမီးကိုလည်း ကြိုးတုပ်ပြီးအလောင်းဘေးနားမှာ ထားပစ်ခဲ့တယ်လို့သိရပါတယ်။
ကြိုးတုပ်ခံထားရတဲ့ဆိုင်ရှင်အမျိုးသမီးမှာလည်းနှိပ်စက်ရိုက်နှက်ထားတဲ့ဒဏ်ရာတွေတွေ့ရတယ်လို့သိရပါတယ်။
Public Service Announcement
ဆိုင်ရှင်အမျိုးသားကိုသတ်ဖြတ်တာဟာ သွေးသောက်အဖွဲ့လို့သိရပြီး သွေးသောက်အဖွဲ့ရဲ့ကတ်ပြားကိုလည်းအလောင်းလည်ပင်းမှာ ချိတ်ဆွဲထားခဲ့ပါတယ်။
ဒေသခံတွေကတော့ လက်ဖက်ရည်ဆိုင်ရှင်အမျိုးသားကိုသတ်ဖြတ်တဲ့ သွေးသောက်အဖွဲ့ဆိုတာဟာ စစ်ကောင်စီ နဲ့ပတ်သက်တဲ့အဖွဲ့ဖြစ်နိုင်တယ်လို့ ယူဆနေကြပါတယ်။
အခုလိုသတ်ခံရတဲ့ ဆိုင်ရှင်အမျိုးသားဟာ NLD ပါတီဝင်တစ်ဦးဖြစ်တယ်လို့လည်းသိရပါတယ်။
