ကလေးမြို့နယ်တောင်ပိုင်း နတ်မြောင်းရွာအနီးတွင် ယမန်နေ့က တိုက်ပွဲဖြစ်ပွား ရာ စစ်ကောင်စီတပ်မှသေဆုံးထိခိုက်မှုများရှိကြောင်း ချင်းအမျိုးသားအဖွဲ့ချုပ် (CNO)က ထုတ်ပြန်သည်။
CNO လက်အောက်ခံ ချင်းအမျိုးသားကာကွယ်ရေးတပ်(CNDF) နှင့် ပြည်သူ့ကာကွယ်ရေးအဖွဲ့ (ပကဖ) ပူးပေါင်းတပ်တို့သည် ဧပြီ ၂၄ရက် နံနက်က ကလေးမြို့နယ် နတ်မြောင်းကျေး ရွာအနီး၌ စစ်ကောင်စီတပ်ကို ခုခံတိုက်ခိုက် ခဲ့ရာ ယင်းတိုက်ပွဲ၌ စစ်ကောင်စီတပ်မှ အနည်းဆုံး လေးဦးသေဆုံးသည်ဟု ဆိုသည်။
ညနေပိုင်း၌လည်း စစ်ကောင်စီတပ်က စစ်ကြောင်းနှစ်ကြောင်းဖြင့် ထိုးစစ်ဆင် လာ၍ ထိတွေ့ တိုက်ခိုက်မှုတစ်ကြိမ်ထပ်မံဖြစ်ပွားပြီး အကြမ်းဖက် စစ်ကောင်စီဖက်မှ ငါးဦး သေဆုံးခဲ့ကြောင်း ထုတ်ပြန်ထားသည်။
အဆိုပါ တိုက်ပွဲဖြစ်စဉ်များ၌ ပူးပေါင်းတပ်ဖွဲ့မှ ထိခိုက်မှုမရှိဟု အသိပေးထား သည်။
Public Service Announcement
ကလေးမြို့နယ်တွင် ကလေးPDF ၊ CNDF အပါအဝင် ဒေသခံပြည်သူ့ ကာကွယ်ရေးတပ်ဖွဲ့ များက စစ်ကောင်စီတပ်ကို ခုခံတိုက်ခိုက်မှုများ မကြာခဏ ပြုလုပ်လျက်ရှိသည်။
