“နန်းထိုက်အောင်”စစ်ဆင်ရေးအဖြစ် ရွှေပြည်သာမြို့နယ်ယာဥ်ထိန်းရဲရုံးအတွင်းရှိ စစ်ကောင်စီတပ်သားများကို တိုက်ခိုက်

“နန်းထိုက်အောင်”စစ်ဆင်ရေးအစိတ်အပိုင်းအဖြစ် ရွှေပြည်သာမြို့နယ်၊ ဧရာဝတီပတ်လမ်းရှိ ယာဥ်ထိန်းရဲရုံးအတွင်းရှိ စစ်ကောင်စီတပ်သားများကို တိုက်ခိုက်ခဲ့ကြောင်း ရန်ကုန်မြို့ပြ ပြောက်ကျားတပ်ဖွဲ့ YUGA က ထုတ်ပြန် သည်။

တိုက်ခိုက်မှု ဖြစ်စဥ်မှာ ယနေ့(ဧပြီ ၂၆ ရက်)ည ၇ နာရီခွဲခန့်တွင် ယာဥ်ထိန်ရဲရုံးအတွင်း လက်ပစ်ဗုံးနှစ်လုံးနှင့်အတူ သေနတ်ဖြင့် ၁၀ချက်ခန့် ပစ်ခတ်ကာ နောက်ချန်မိုင်းတစ်လုံးပါ ထပ်မံ ဖောက်ခွဲခဲ့သည်ဟု ဆိုသည်။

စစ်ကောင်စီတပ်သားများ ပြင်းထန်သည့် ဒဏ် ရာရရှိခဲ့ပြီး အသေအပျောက်ရှိနိုင်သည်ဟု YUGA က အသိပေးသည်။

“ပေါက်ကွဲသံကတော်တော်ပြင်းတယ်။ပြီးတော့ အဲဒီပေါက်သွားတဲ့ ယာဥ်ထိန်းရဲရုံးရဲ့ လမ်းထိပ်မှာ စစ်ကားနှစ်စီးနဲ့ ကိုပိတ်စစ်နေတယ်”ဟု ရွှေပြည်သာမြို့နယ်နေသူတစ်ဦးက လူထုနွေဦးသို့ ပြောသည်။

Public Service Announcement

စစ်ဆင်ရေးကို YUGA နှင့်အတူ Shwepyithar Defence Force မှ ရဲဘော်များပူးပေါင်ဆောင်ရွက်ခဲ့ပြီး အထိအခိုက်မရှိ ဆုတ်ခွာနိုင်ခဲ့ကြောင်း ထုတ်ပြန်ချက်၌ ဖော်ပြသည်။

ထို့အပြင် ယနေ့ ညပိုင်း ၇နာရီ ၄၀ခန့်က မြောက်ဒဂုံမြို့နယ်၌ အင်အားပြင်းထန်သည့် ပေါက်ကွဲမှု ငါးကြိမ်ခန့်ဖြစ်ပွားခဲ့ကြောင်း ဒေသခံများက ဆိုသည်။

ဧပြီ ၈ရက်ကစတင်ခဲ့သော “နန်းထိုက်အောင်” စစ်ဆင်ရေးအရ အကြမ်းဖက်စစ်တပ်နှင့် ၎င်း၏ ထောက်တိုင်များကို ပစ်မှတ်ထား၍ မင်္ဂလာဒုံ၊ အင်းစိန် ၊ ကမာရွတ်၊လမ်းမတော်၊ ​ကော့မှုး၊ တွံ​တေး၊ သုံးခွ၊ ​ဒလ နှင့် လှိုင်သာယာမြို့နယ်တို့တွင် ဆောင်ရွက်ထားသည်။