မန္တ​လေးနန်းတွင်းမှစစ်​ကောင်စီတပ်သားတစ်ဦး ကျားသစ်နက်​ပြောက်ကျားတပ်ဖွဲ့မှတစ်ဆင့် ပြည်သူ့ရင်ခွင်ခိုလှုံ

စစ်ကိုင်းတိုင်းအတွင်း ရှေ့တန်းတစ်နေရာတွင် မန္တလေးနန်းတွင်းရှိ အကြမ်းဖက်စစ်ကောင်စီတပ်မှ တ​ပ်သားတစ်ဦးထွက်ပြေးလာပြီး ဒေသတွင်းပြည်သူ့ကာကွယ်ရေးတပ်ဖွဲ့ထံ CDM ပြုလုပ်လာကြောင်း ကျားသစ်နက်ပြောက်ကျားတ​ပ်ဖွဲ့က သတင်းထုတ်ပြန်သည်။

တပ်သား ကျော်ဇင်အောင်၊ ကိုယ်ပိုင်အမှတ်တ/၅၆၁၅၁၁၊ မန္တလေးနန်းတွင်း၊ ခ.လ.ရ ၁၂၁ သည် ယနေ့ (ဧပြီလ ၂၆ ရက်) နံနက်တွင် ‌‌ရှေ့တန်းတစ်နေရာမှ ထွက်ပြေးကာ ကျားသစ်နက်ပြောက်ကျားတပ်ဖွဲ့သို့ ဆက်သွယ်ပြီး ပြည်သူများနှင့် ပူးပေါင်းလာပါကြောင်း၊ CDM ပြုလုပ်လာသော တပ်သား ကို ကျားသစ်နက်ပြောက်ကျားတပ်ဖွဲ့မှ လွတ်မြောက်နယ်မြေသို့ လုံခြုံစွာ ပို့ဆောင်နိုင်ခဲ့ကြောင်း ကျားသစ်နက်ပြောက်ကျားတပ်ဖွဲ့က အသိပေးသည်။

“ပြည်သူနဲ့ ပူးပေါင်းချင်တာကြာပါပြီ။ အခွင့်မသာလို့ မဝင်ဖြစ်ခဲ့တာပါ။ အခုတော့ပြည်သူကို ပြန်သတ်နေတဲ့စစ်တပ်မှာ တာဝန်မထမ်းဆောင်နိုင်တော့လို့ ပြည်သူနဲ့ပူးပေါင်းတာလို့ပြောပါတယ်ဗျ။”ဟု CDM စစ်သား၏ ပြောကြားချက်ကိုကျားသစ်နက်ပြောက်ကျားတပ်ဖွဲ့မှ တာဝန်ရှိသူက တဆင့်ပြန်ပြောပြသည်။

ကျန်ရှိနေသေးသော ရဲသား ၊စစ်သားများလည်း အချိန်မီ ပြည်သူ့ကာကွယ်ရေးတပ်ဖွဲ့များနှင့် အမြန်ဆုံးပူးပေါင်းကြရန် ကျားသစ်နက်ပြောက်ကျားတပ်ဖွဲ့က တိုက်တွန်းသည်။

Public Service Announcement