ထိုင်းနိုင်ငံဟာ အိမ်နီးချင်းမြန်မာနိုင်ငံရဲ့ နိုင်ငံရေးအခြေအနေကို အနီးကပ်စောင့်ကြည့်နိုင်ဖို့အတွက် အထူးကိုယ်စားလှယ်တစ်ဦး ခန့်အပ်လိုက်တယ်လို့ ဘန်ကောက်ပို့စ်သတင်းစာက ဖော်ပြပါတယ်။
ထိုင်းနိုင်ငံခြားရေးဝန်ကြီးဌာနရဲ့ အကြံပေးတစ်ဦးဖြစ်တဲ့ Ms Pornpimol Kanchanalak ကို မြန်မာနိုင်ငံဆိုင်ရာအထူးကိုယ်စားလှယ်အဖြစ်ခန့်အပ်လိုက်တာပါ။
Ms Pornpimol Kanchanalak ဟာ မြန်မာနိုင်ငံအကြောင်းသိရှိထားသူလည်းဖြစ်တယ်လို့ ဘန်ကောက်ပို့စ်ကဆိုထားပါတယ်။
မြန်မာနိုင်ငံဟာ ထိုင်းနိုင်ငံအတွက် ပထဝီနိုင်ငံရေး ၊ စီးပွားရေး၊လူမှုရေးနဲ့အမျိုးသားလုံခြုံရေးကဏ္ဍတွေမှာ မဟာဗျုဟာမြောက်အရေးပါတဲ့နိုင်ငံဖြစ်တာကြောင့် အခုခန့်အပ်လိုက်တဲ့အထူးကိုယ်စားလှယ်က အနီးကပ်စောင့်ကြည့်ကာ ထိုင်းနိုင်ငံခြားရေးဝန်ကြီးဌာနကိုအကြံဉာဏ်ပေးသွားမှာဖြစ်ပါတယ်။
Public Service Announcement
မြန်မာနိုင်ငံမှာ စစ်အာဏာသိမ်းမှုအပြီး ပဋိပက္ခတွေဖြစ်ပွားနေချိန်မှာ ထိုင်းနိုင်ငံက မြန်မာ့အရေးကိုအနီးကပ်စောင့်ကြည့်နိုင်အောင် အထူးကိုယ်စားလှယ်ခန့်အပ်လာတာလည်းဖြစ်ပါတယ်။
