ကြာအင်းဆိပ်ကြီးမြို့နယ် ခလယ်ကျေးရွာမှာ ဒီကနေ့မနက်ပိုင်းက KNLA နဲ့ စစ်ကောင်စီတပ်တို့အကြား ထိတွေ့ပစ်ခတ်မှုဖြစ်ပွားခဲ့ပြီး ဒေသခံတချို့ကို စစ်ကောင်စီက ဖမ်းဆီးခေါ်ဆောင်သွားခဲ့တယ်လို့ ဒေသခံတွေဆီကနေ သိရပါတယ်။
ဒီကနေ့ ဧပြီ ၂၉ ရက် မနက် ၈ နာရီ ၁၅ မိနစ်အချိန်က ခလယ်ရွာကြီးနဲ့ ခလယ်ရွာလေးကြားမှာရှိတဲ့ အထက(ခလယ်)စာသင်ကျောင်းအနီးမှာ KNLA နဲ့ စစ်ကောင်စီတပ်တို့အကြား ထိတွေ့ပစ်ခတ်မှုဖြစ်ပွားခဲ့တာဖြစ်ပြီး ဒေသခံတွေရဲ့နေအိမ်တချို့လည်း လက်နက်ကျည်ထိမှန်ခံရတယ်လို့ ဒေသခံတွေက ပြောပါတယ်။
ထိတွေ့ပစ်ခတ်မှုဖြစ်ပွားတဲ့ နေရာအနီးတစ်ဝိုက်မှာရှိတဲ့ ဒေသခံအရပ်သား အနည်းဆုံးသုံးဦးထက်မနည်းကို စစ်ကောင်က ဖမ်းဆီးခေါ်ဆောင်သွားခဲ့သေးပြီး ခလယ်ရွာလေးမှာ တပ်စွဲနေထိုင်သွားမယ်လို့လည်း သိရပါတယ်။
ကြာအင်းဆိပ်ကြီးမြို့နယ် ဝင်းရော်ဒေသ ခလယ်တံခွန်တိုင်ကျေးရွာမှာ ပြီးခဲ့တဲ့ ဧပြီ ၂၃ ရက်နေ့က KNLA နဲ့ စစ်ကောင်စီတပ်တို့အကြား စစ်ရေးတင်းမာမှုတွေဖြစ်ပွားတာဖြစ်ပြီး ခလယ်တံခွန်တိုင်အပါအဝင် နန်းသိုင်းထွန်း ဒိုင်လွတ်စတဲ့ ကျေးရွာတွေက ဒေသခံထောင်ချီဟာ ဘေးလွတ်ရာကို ထွက်ပြေးတိမ်းရှောင်နေရတာဖြစ်ပါတယ်။
Public Service Announcement
