မကွေးတိုင်း၊ ရေစကြိုမြို့နယ်တွင် ပျူစောထီးအဖွဲ့ဝင်တစ်ဦးအသတ်ခံရ၍ လာရောက်စစ်ဆေးပြီးပြန်လာသည့်စစ်ကောင်စီတပ်နှင့် ပျူစောထီးများ မိုင်းဆွဲတိုက်ခိုက်ခံရပြီး ၂ ဦးသေဆုံးနိုင်ကြောင်း South Yesagyo People’s Defense Force – SYSO PDF အဖွဲ့က ယနေ့သတင်းထုတ်ပြန်သည်။
ဧပြီလ ၃၀ ရက်နေ့ မွန်းလွဲ ၂ နာရီခန့်က ရေစကြိုမြို့နယ် ၊ ဂွက်ကြီးကျေးရွာအား ဟင်္သာနှင့် ဆင်မရဲမှ အကြမ်းဖက်စစ်ကောင်စီတပ်နှင့် ပျူစောထီးများ ဝင်ရောက်စီးနင်းပြီး အပြစ်မဲ့ ပြည်သူနေအိမ် (၁)လုံးနှင့် မီးဖိုးချောင်တစ်ဆောင်အားမီးရှို့ဖျက်ဆီးခဲ့သည်။ မီးရှို့ဖျက်ဆီးပြီးပြန်လာသည့် အကြမ်းဖက်စစ်တပ်နှင့် ပျူအဖွဲ့ဝင်များအား 27 Revolution Forces – မြင်းခြံ ၏ နည်းပညာအကူညီဖြင့် အဝေးထိန်းစက် ၊ SYSO PDF ပြောက်ကျားတပ်ဖွဲ့၏ အထူးထုတ် မိုင်းတစ်လုံးဖြင့် ဂွက်ကြီးကျေးရွာနှင့် ဇီးပင်ကုန်းကျေးရွာ လမ်းပိုင်းတွင် စောင့်ဆိုင်းဖောက်ခွဲခဲ့သည်။
မိုင်းခွဲတိုက်ခိုက်မှုကြောင့် အကြမ်းဖက်အုပ်စု၏ ဆိုင်ကယ်၆ စီးမှာ သုံးစီး ထိမှန်ကာ ၂စီးပျက်စီးသွားပြီး၊ ၂ ဦးသေဆုံးနိုင်ကာ ၄ ဦးမှာပြင်းထန်ဒဏ်ရာရရှိနိုင်ကြောင်းထုတ်ပြန်ချက်တွင်ဖော်ပြထားသည်။
ဗုံးခွဲတိုက်ခိုက်မှုသည် အဆိုပါကျေးရွာများနေ အပြစ်မဲ့ပြည်သူများနှင့် သက်ဆိုင်ခြင်းမရှိဘဲမဟာမိတ်ညီနောင်များဖြစ်သော 27 Revolution Force – မြင်းခြံ ၊ တောင်လတ်အင်အား – TLF PDF နှင့် SYSOPDFတို့မှဦးဆောင်၍ ပြုလုပ်ခဲ့ခြင်းဖြစ်ကြောင်း ၎င်းအဖွဲ့များက အသိပေးသည်။
Public Service Announcement
ဧပြီ ၃၀ ရက် နံနက် ၉း၀၀ နာရီ အချိန်က ရေစကြိုမြို့နယ် အလယ်သောင်အုပ်စု ဂွက်ကြီးကျေးရွာနေ ဦးမောင်ဆန်းဆိုသူသည် ကျေးရွာအတွင်း ပျူစောထီးအဖွဲ့ ဖွဲ့ရန်နှင့် ပျူစောထီး သင်တန်းတက်ရန်လှုံ့ဆော်ခြင်း ၊ ဧပြီလ ၂၈ ရက်နေ့က ဟင်္သာနှင့် ဆင်မရဲကျေးရွာတွင်တပ်စွဲထားသော စစ်သားများနှင့်ပျူများအား ခေါ်ဆိုကာ အပြစ်မဲ့ ပြည်သူ (၃)ဦးအား ဖမ်းဆီးခိုင်းစေခြင်း ၊ အပြစ်မဲ့ပြည်သူများ၏ပစ္စည်းများဖျက်ဆီး သိမ်းယူခိုင်းစေခြင်း နှင့် မဟုတ်မမှန်သော သတင်းများကို ဖုန်းဆက်၍ စစ်တပ်နှင့် ပျူများထံသို့ အမြဲပေးပြီး နယ်မြေနှင့် ကျေးရွာနေပြည်သူများအား အမျိုးမျိုးဖိအားပေး ခြိမ်းခြောက်နေသောကြောင့် မဟာမိတ် ညီနောင်များက ရှင်းလင်းခဲ့ကြောင်းလည်းဖော်ပြထားသည်။အဆိုပါကျေးရွာသည် ပျူ ဒလန်များပေါများပြီး မဟုတ်မမှန်သတင်းပေး၍ ကျေးရွာကို အမျိုးမျိုး ဒုက္ခပေးလျက်ရှိသည်ဟု သိရပြီး အခြားသော ပြည်သူများအနေနှင့် မိမိတို့၏လူမှုရေးကိစ္စများကို နိုင်ငံရေးနှင့်ပေါင်းပြီး တစ်ဦးကို တစ်ဦး ဒုက္ခမပေးရန်နှင့် ကျေးရွာကို ဆက်လက်ဒုက္ခမပေးရန် ညီနောင်များမှ အထူးမေတ္တာရပ်ခံကြောင်း၊လည်းဖော်ပြထားသည်။ထိုသို့ မဟုတ်ဘဲ ဒလန်အလုပ်နှင့်ကျေးရွာကို ဆက်လက်ဖိအားပေးခြိမ်းခြောက်ခြင်းများပြုလုပ်နေပါက မည်သူမဆို အချိန်ဆိုင်းနေမည်မဟုတ်ဘဲ သုတ်သင်ရှင်းလင်းသွားမည်ဖြစ်ကြောင်း SYSOPDFက သတင်းထုတ်ပြန်ထားသည်။
