ဒေါငံခါးရွာတိုက်ပွဲအတွင်း ပျောက်ဆုံးခဲ့သော ရဲဘော် ဇော်ဝင်းထွဋ်အား လေးရက်မြောက်နေ့တွင် ဒဏ်ရာများဖြင့် အသက်ရှင်လျက်ပြန်လည်တွေ့ရှိကြောင်း DMO-Local PDF က ထုတ်ပြန်သည်။
ဧပြီ ၃၀ ရက်က ကရင်နီ(ကယား)ပြည်နယ် ဒီးမော့ဆိုမြို့နယ်၊ ဒေါငံခါးကျေးရွာတွင် အကြမ်းဖက်စစ်ကောင်စီတပ်နှင့် ဒီးမော့ဆို Local PDF တပ်ဖွဲ့ ဗျူဟာ (၃)မှ A ၊B၊ F၊ J တပ်ရင်းတပ်ခွဲ အချို့၊အလယ်ပိုင်းတိုင်း (၁၁၀၂) ပူးပေါင်းတပ်ဖွဲ့ကြားတိုက်ပွဲ၌ ရဲဘော်ဇော်ဝင်းထွဋ်မှာ ပျောက်ဆုံးခဲ့ခြင်း ဖြစ်သည်။
ထို့ကြောင့် ပျောက်ဆုံးခဲ့သော ရဲဘော် မောင်ဇော်ဝင်းထွဋ်ကို DMO-Local PDF ဗျုဟာ(၃) ရှိ A၊B၊F၊J တပ်ရင်းတပ်ခွဲအချို့မှ လေးရက်တိတိလိုက်လံရှာဖွေခဲ့သည်။
Public Service Announcement
တိုက်ပွဲဖြစ်ပွားပြီး လူစုကွဲသွားမှုကြောင့် တပ်ရင်း (A)တွင် တာဝန်ထမ်းဆောင်ခဲ့သော ရဲဘော်မောင်ဇော်ဝင်းထွဋ်ကို ယနေ့(မေ ၄ ရက်)ညနေ ၅ နာရီခန့်တွင် ပြင်းထန်သောဒဏ်ရာဖြင့် ပြန်လည်တွေ့ရှိခဲ့ကြောင်း အသိပေးသည်။
ရဲဘော်မောင်ဇော်ဝင်းထွဋ်သည် လေးရက်တိတိ အစာမစားရဘဲရှိနေခဲ့ပြီး ၎င်း၏ သတ္တိ၊ ဇွဲ၊ လုံလ၊ ဝိရိယသည် တပ်ဖွဲ့အနေဖြင့် ဝမ်းမြောက်စွာ ဂုဏ်ပြုကြောင်းလည်း ထုတ်ပြန်ချက်၌ ဖော်ပြသည်။
လက်ရှိတွင်ရဲဘော်မောင်ဇော်ဝင်းထွဋ်ကို ဘေးကင်းရာသို့ပို့ဆောင်၍ ဆေးကုသပေးနေပြီဟုလည်းပြည်သူ့ကာကွယ်ရေးတပ်-ဒီးမော့ဆိုက ဆိုသည်။
