ပဲခူးတိုင်း၊ ပေါင်းတည်မြို့နယ် လဲပင်ကျေးရွာဘုန်ကြီးကျောင်းဝင်းအတွင်း အကြမ်းဖက်စစ် ကောင်စီတပ်က နင်းမိုင်းများထောင်ထားကြောင်း ပေါင်းတည် PDFက ယနေ့(မေ ၇ ရက်) ထုတ်ပြန်သည်။
ထို့ကြောင့် ရွာသူ၊ရွာသားများနှင့် အနီးပတ်ဝန်းကျင်မှ သွားလာနေကြသူများအနေဖြင့် လဲပင်ဘုန်းကြီး ကျောင်းအတွင်းဖြတ်သန်းခြင်းမပြုရန် သတိပေးသည်။
“ပြီးခဲ့တဲ့ လက လဲပင်ရွာထဲကို စခ စစ်ကြောင်းဝင်ခဲ့တာ။အိမ် ၁၅ လုံးလောက်လဲ မီးရှို့ ခံခဲ့ရတယ်”ဟု ပေါင်းတည်ဒေသခံတစ်ဦးက ပြောသည်။
ပေါင်းတည်မြို့နယ် လဲပင်ကျေးရွာနှင့်ငါးရှည့်ကွင်းရွာတို့တွင် ဧပြီလ(၁၅)၊(၁၆)ရက်နေ့များ၌ တိုက်ပွဲ နှစ်ကြိမ် ဖြစ်ပွားခဲ့ပြီး စုစုပေါင်း အကြမ်းဖက်စစ်ကောင်စီတပ်သား အနည်းဆုံးရှစ် ဦး သေဆုံးကာ အများအပြားဒဏ်ရာရရှိခဲ့ကြောင်း ပဲခူးတိုင်းပြည်သူ့ကာကွယ်ရေးတပ်က ထုတ်ပြန်ထားသည်။
Public Service Announcement
ပဲခူးရိုးမ နှင့် နီးကပ်သည့် ပေါင်းတည်ခရိုင်အတွင်းရှိ ကျေးရွာများကို အကြမ်းဖက်စစ်ကောင်စီတပ်က စစ်ကြောင်းထိုးနေပြီး ပြည်သူ့ကာ ကွယ်ရေးတပ်များနှင့် မကြာခဏ တိုက်ပွဲများဖြစ်ပွားလျှက်ရှိသည်။
