စစ်ကိုင်းတိုင်း၊ ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့မှ ရဲဘော်တစ်ဦး ကင်းစောင့်ရင်း ပိုးထိ၍ နိုင်ငံတော်နှင့် ပြည်သူအတွက် အသက်ပေးလှူသွားခဲ့သည်။
ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့မှ ရဲဘော်ကျော်စွာငြိမ်းသည် မေလ ၄ ရက်က
ကင်းတာဝန်ထမ်းဆောင်ရင်း ပိုးထိ၍ နိုင်ငံတော်အတွက်အသက်ပေးလှူ၍ မြင့်မြတ်စွာကျဆုံးခဲ့ရကြောင်း ချောင်းဦး PDFက အသိပေးသည်။
“ကျော်စွာငြိမ်းက အသက် ၃၃ နှစ်ပါ။ တောင်သူပါ။ အားလုံးကိုစွန့်လွတ်ပြီးသားမို့ ဘယ်လိုအခြေအနေပဲရောက်ရောက် အဆုံးထိတိုက်မယ် လို့ သူအမြဲပြောတတ်ပါတယ်။”ဟု ချောင်းဦး PDF တာဝန်ရှိသူက ပြောသည်။
စစ်အာဏာရှင်စနစ်အမြစ်ဖြတ်ချေမှုန်းရေးတွင် နိုင်ငံတော်နှင့်ပြည်သူ့အကျိုးစီးပွားအတွက်တိုက်ပွဲဝင်ရင်း ကျဆုံးခဲ့ရသဖြင့် ကျွန်ုပ်တို့ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့အနေဖြင့် မိသားစုနှင့်ထပ်တူထပ်မျှ ဆို့နင့်ကြေကွဲဝမ်းနည်းရကြောင်း ချောင်းဦး PDFက မှတ်တမ်းပြုသည်။
Public Service Announcement
ကျဆုံးအာဇာနည်ရဲဘော်ဆောင်ရွက်လက်စဖြစ်သော စစ်အာဏာရှင်စနစ်အမြစ်ဖြတ်ချေမှုန်းရေးတာဝန်ကို ကျန်ရစ်သူကျွန်ုပ်တို့ရဲဘော်များက ဆက်လက်ထမ်းဆောင်တိုက်ပွဲဝင်သွားမည်ဖြစ်ကြောင်း ချောင်းဦး PDFက ဝန်ခံကတိပြုသည်။
