Connect with us

Hi, what are you looking for?

LuduNwayOo

News

မြန်မာ့အရေး အာဆီယံအစည်းအဝေးတွင် ကုလအထူးကိုယ်စားလှယ်အား ဖယ်ချန်ခဲ့မှုကို NUG ဝေဖန်ထောက်ပြ

ကုလသမဂ္ဂအထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာအထူးကိုယ်စားလှယ်သည် အရေးပါသည့်ပုဂ္ဂိုလ်တစ်ဦးဖြစ်ပြီး ၎င်းကို အတိုင်ပင်ခံအစည်းအဝေးမတက်ရောက်စေခဲ့ခြင်း အပေါ် မလေးရှားနိုင်ငံခြားရေးဝန်ကြီး Saifuddinက ဝေဖန်ပြစ်တင်ထားသည်။

အာဆီယံ၏ မြန်မာနိုင်ငံဆိုင်ရာ အတိုင်ပင်ခံအစည်းအ ဝေးမှ ကုလသမဂ္ဂအထူးကိုယ်စားလှယ်ကို ဖယ်ချန်ထားခြင်းသည် ကုလသမဂ္ဂကို စော်ကားတိုက်ခိုက်ခြင်းဖြစ်သည်ဟု NUG နိုင်ငံခြားရေးဝန်ကြီးဌာနက ယနေ့သတင်းထုတ်ပြန်သည်။

ပြီးခဲ့သည့် မေလ၆ ရက်က ကမ္ဘောဒီးယား၊ ဖနွမ်းပင်၌ ကျင်းပခဲ့သော အစည်းအဝေးတက်ရောက်ရန် ကုလအထူးကိုယ်စားလှယ်ကို ဖိတ်ကြားပြီးမှ ဖျက်သိမ်းခဲ့ခြင်းသည် အာဆီယံအနေဖြင့် ကုလသမဂ္ဂကို စော်ကားတိုက်ခိုက်ခြင်းဖြစ်သည်ဟု အမျိုးသားညီညွတ်ရေးအစိုးရ၏ ထုတ်ပြန် ချက်၌ ဖော်ပြသည်။

ကုလသမဂ္ဂအထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာအထူးကိုယ်စားလှယ်သည် အရေးပါသည့်ပုဂ္ဂိုလ်တစ်ဦးဖြစ်ပြီး ၎င်းကို အတိုင်ပင်ခံအစည်းအဝေးမတက်ရောက်စေခဲ့ခြင်း အပေါ် မလေးရှားနိုင်ငံခြားရေးဝန်ကြီး Saifuddinက ဝေဖန်ပြစ်တင်ထားသည်။

မလေးရှားနိုင်ငံခြားရေးဝန်ကြီး၏ ဝေဖန်ပြောဆိုမှုကို NUG နိုင်ငံခြားရေးဝန်ကြီးဌာနကလည်း ကြိုဆိုထောက် ခံသည်။

Public Service Announcement

Public Service Announcement

မြန်မာသို့လူသားချင်းစာနာမှုအကူအညီများပေးရေး ပြုလုပ်ခဲ့သော အာဆီယံအတိုင်ပင်ခံအစည်းအဝေးတွင် NUG ၊ တိုင်းရင်းသားလက်နက်ကိုင်များ၊ ဒေသတွင်းလူသားချင်းစာနာမှုဆိုင်ရာ အဖွဲ့ အစည်းများနှင့်ပါဝင်သင့်သူများကို ဖိတ်ကြားခဲ့ခြင်းမရှိဘဲ အကြမ်းဖက်စစ်ကောင်စီကို ဗဟိုပြု ဆွေးနွေးတက်ရောက်စေခဲ့ခြင်းအပေါ် စိတ်ပျက်ကြောင်း NUGက ထုတ်ပြန်ထားသည်။

NUG သည် အာဆီယံနှင့် ၎င်း၏ အဖွဲ့ဝင်နိုင်ငံများနှင့် တွေ့ဆုံဆွေးနွေးမှု၊ ပူးပေါင်းဆောင်ရွက်မှုများတိုးချဲ့ရန် အသင့်ရှိနေပြီး ကုလသမဂ္ဂအထူးကိုယ်စားလှယ်၏ မြန်မာ့အရေးဆက်လက်အား ပေးထောက်ခံမှုကို ကျေးဇူး တင်ကြောင်း ထုတ်ဖော်ပြောဆိုသည်။

အာဆီယံ၏ မြန်မာ့အရေးအတိုင်ပင်ခံအစည်းအဝေးမတိုင်မီတွင် ကုလသမဂ္ဂအထူးကိုယ်စားလှယ်သည် NUG အစိုးရအဖွဲ့ဝင် ဝန်ကြီးများနှင့် တွေ့ဆုံဆွေးနွေးမှုပြုလုပ်ခဲ့သည်။

ဆက်စပ်သတင်းများ

သတင်း

ကာကွယ်ရေးဝန်ကြီးဌာန အမှတ် (၁)စစ်ဒေသ၏ စစ်ဒေသမှူးလည်းဖြစ်သည့် ဒုဗိုလ်ချုပ်ကြီး ခေါင်လွမ်းအကြောင်း ကာကွယ်ရေးဝန်ကြီး၏ ပြောကြားချက်ကို မေလ ၁၈ရက်တွင် ကာကွယ်ရေးဝန်ကြီးဌာနက ထုတ်ပြန်သည်။

သတင်း

KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်းသည် မေလ ၁၃ရက်ညနေတွင် အသဲရောဂါဖြင့် ကွယ်လွန်သွားခြင်းဖြစ်သည်။

သတင်း

အရင် စစ်အာဏာရှင်ဟောင်း ဗိုလ်ချုပ်မှူးကြီး သန်းရွှေလက်ထက်က ရေးဆွဲခဲ့တဲ့ ၂၀၀၈ ဖွဲ့စည်းပုံ အခြေခံ ဥပဒေဟာ စစ်တပ်ကို နိုင်ငံရေး လုပ်ပိုင်ခွင့်အာဏာ ကြီးကြီးမားမား ပေးအပ်ထားခဲ့သလို လွှတ်တော် ကိုယ်စားလှယ် လေးပုံတစ်ပုံကိုစစ်တပ်ကခန့်အပ်ရမယ်လို့ ပြဋ္ဌာန်းထားခဲ့ပါတယ်။

သတင်း

စစ်အုပ်စုဝင်များသည် ကျေးရွာအတွင်းရှိ နေအိမ်များ မီးရှို့ဖျက်ဆီးခဲ့ရာ တစ်ရွာလုံးမီးလောင်ပြာကျခဲ့ကြောင်း၊ ထို့ပြင် ကလေးသူငယ်များနှင့် အမျိုးသမီးများအပါအဝင် အရပ်သားပြည်သူ ၂၀ ကျော်ကို ဂွေးပင်တောရွာ ဘုန်းကြီးကျောင်းသို့ လူသားဒိုင်းအဖြစ် ဖမ်းဆီးခေါ်ဆောင်သွားခဲ့ကြောင်း သိရသည်။