Connect with us

Hi, what are you looking for?

LuduNwayOo

News

ဖိုလ်ဝင်တောင်အနီး စစ်ကောင်စီယာဥ်တန်း မိုင်းဆွဲတိုက်ခိုက်ခံရပြီး တစ်စီးတိမ်းမှောက်

မိုင်းထိ၍တိမ်းမှောက်မှုကြောင့် သေဆုံးပြီးအများအပြား ထိခိုက်ဒဏ်ရာရ၍ ယမ်းစီကုမ္ပဏီမှ မှန်လုံယာဥ်ဖြင့် မုံရွာဇက်သို့ ပို့ဆောင်နေကြောင်း အလောင်းတော်ကဿပ နယ်မြေသတင်းက ဖော်ပြသည်။

(ပြီးခဲ့သည့် လပိုင်းအတွင်းက ယင်းမာပင်နယ်အတွင်း တွေ့ရသည့် အကြမ်းဖက်စစ်တပ်၏ ယာဥ်တစ်စီး)

စစ်ကိုင်းတိုင်း၊ ယင်းမာပင်မြို့နယ် ဖိုလ်ဝင်တောင်အနီးတွင် အကြမ်းဖက်စစ်ကောင်စီယာဥ်တန်း မိုင်းဆွဲတိုက်ခိုက်ခံရပြီး တစ်စီးတိမ်းမှောက်သွားကြောင်း ဒေသခံများက ပြောသည်။

ယနေ့(မေလ ၁၁) နံနက် ၉နာရီခန့်က အကြမ်းဖက်စစ်ကောင်စီ၏ ကားကြီးသုံးစီးသည် မုံရွာမြို့ မှ ညောင်ပင်ကြီးဇက်ဆိပ်သို့ကူးလာပြီး ယင်းမာပင်လမ်းအတိုင်း တက်လာခဲ့ကြောင်း ဒေသခံများက ပြောသည်။

အကြမ်းဖက်စစ်ကောင်စီ၏ ကားကြီး သုံးစီးသည် အင်ကြင်းတောင်အနီး(ဖိုလ်ဝင်တောင်အနီး)တွင် မိုင်းမိခဲ့ပြီးတစ်စီးတိမ်းမှောက်သွားကြောင်း ဒေသခံများက ပြောသည်။

မိုင်းထိ၍တိမ်းမှောက်မှုကြောင့် သေဆုံးပြီးအများအပြား ထိခိုက်ဒဏ်ရာရ၍ ယမ်းစီကုမ္ပဏီမှ မှန်လုံယာဥ်ဖြင့် မုံရွာဇက်သို့ ပို့ဆောင်နေကြောင်း အလောင်းတော်ကဿပ နယ်မြေသတင်းက ဖော်ပြသည်။

Public Service Announcement

Public Service Announcement

ယမန်နေ့(​မေ ၁၀ )ညပိုင်း ၁၁နာရီခွဲခန့်ကလည်း ပုလဲနယ်သို့ စစ်ကူသွားမည့် အကြမ်းဖက်စစ်ကောင်စီယာဥ် သုံးစီးအား ဖိုလ်ဝင်တောင်လမ်းတလျှောက်ပဒေသာ (၈)လုံးတွဲများဖြင့် မိုင်းဆွဲတိုက်ခိုက်ခံခဲ့ရပြီး ယာဥ်သုံးစီးလုံး ပျက်စီးသွားကြောင်း ချင်းတွင်းရိုးမ မဟာမိတ်တပ်ပေါင်းစုက ပြောသည်။

“ဒီမနက် သုံးစီးကလည်း မိုင်းကွင်းထဲတည့်တည့်ရပ်မိရာ ပဒေသာ (၁၂)လုံး အဝစားကားတစ်စစီစုတ်ပြတ်သတ်ထွက်သွားတယ်။ အရေအတွက်မသိရသေးဘူး။ စခအလောင်းများကို မြန်မာရန်စီကားများနဲ့ ခေါက်တုံ့ခေါက်ပြန်သယ်နေတာကိုတွေ့ရပါတယ်။”ဟု ချင်းတွင်းရိုးမ မဟာမိတ်တပ်ပေါင်းစုက ပြောသည်။

ယနေ့မွန်းလွဲ ၂ နာရီခန့်တွင် မုံရွာမြို့ဘက်မှ အကြမ်းဖက်စစ်ကောင်စီယာဥ်များ ညောင်ပင်ကြီးဆိပ်ဘက်သို့ ထပ်မံကူးလာကြောင်း ဒေသခံတို့က ပြောသည်။

ညောင်ပင်ကြီး-ယင်းမာပင်လမ်းပေါ်တွင် အကြမ်းဖက်စစ်ကောင်စီတပ်များ မကြာခဏတိုက်ခိုက်ခံနေရပြီး ပြည်သူများ အကြမ်းဖက်စစ်ကားများနှင့် ကပ်မလိုက်ရန် ဒေသတွင်းအဖွဲ့များက သတိပေးထားသည်။

ဆက်စပ်သတင်းများ

သတင်း

ဗီဒီယိုတွေထဲက ပုံရိပ်တွေအရ နှိပ်စက်ညှင်းပန်းမှု၊ ရိုက်နှက်မှု၊ ရှော့ရိုက်မှု၊ လိင်အကြမ်းဖက်မယ်လို့ ခြိမ်းခြောက်မှုစတဲ့ လုပ်ရပ်တွေ ကျူးလွန်နေတာ၊ အမျိုးသမီး ၂ ဦး အပါအဝင် ထိန်းသိမ်းခံရသူ ၄၈ ဦးလောက် ရှိနေတာတွေကို ဆန်းစစ် အတည်ပြုနိုင်ခဲ့တယ်လို့လည်း Fortify Rightsက ဖော်ပြသွားခဲ့ပါတယ်။

သတင်း

CBMဟာ စစ်ကောင်စီရဲ့ နိုင်ငံခြားငွေ ဝင်ရောက်မှု အဓိက ရင်းမြစ်တစ်ခုလည်း ဖြစ်နေပြီး ငွေလဲလှယ်မှု ကြီးကြပ်ရေး ကော်မတီနဲ့ ပူးပေါင်းပြီး ပြည်ပကနေ စစ်လက်နက်တွေ ဝယ်ယူဖို့ လိုအပ်တဲ့ နိုင်ငံခြားငွေကြေးကို စုဆောင်း ရှာဖွေပေးနေပြန်ပါတယ်။

သတင်း

စင်ကာပူရဲ့ လုပ်ဆောင်ချက်တွေကို နမူနာယူဖို့ လိုကြောင်း၊ မြန်မာပြည်သူတွေကို စစ်တပ်က သတ်ဖြတ်တဲ့ လုပ်ရပ်တွေမှာ ထိုင်းဘဏ်တွေက အားပေးအားမြှောက် သဘောမျိုး ပါဝင်နေတာကို လုံးဝ လက်ခံလို့ မဖြစ်နိုင်ကြောင်း သူက ထောက်ပြသွားပါတယ်။

သတင်း

စစ်ကောင်စီ၏ ဒုခေါင်းဆောင်စိုးဝင်းက တရုတ်ခရီးစဉ်အတွင်း ရွေးကောက်ပွဲ ကျင်းပမည် ပြောဆိုမှုရှိခဲ့ခြင်းနှင့်ပတ်သက်ပြီး မေးမြန်းမှုအပေါ် ယခုကဲ့သို့ ဖြေကြားခြင်းဖြစ်သည်။