ကရင်နီ(ကယား)ပြည်နယ်၊လွိုင်ကော်မြို့ ကယန်းသာယာလမ်းခွဲတိုက်ပွဲတွင် စနိုက်ပါဖြင့် ပစ်ခတ်ရာ စစ်ကောင်စီတပ်သားတစ်ဦးသေဆုံးကြောင်း လွိုင်ကော် PDF က ထုတ်ပြန်သည်။
ယနေ့(မေ ၁၂ ရက်) နံနက် ၉နာရီ မိနစ် ၂၀ခန့်တွင် လွိုင်ကော် PDF တပ်ခွဲ (၅) ၊ ကရင်နီ တပ်မတော်(KA)နှင့် KNDF တပ်ရင်း (၂) တို့၏ စနိုက်ပါတပ်ဖွဲ့က ၁၅ မိနစ်ကြာ ပူးပေါင်းတိုက်ခိုက်ခဲ့သည်ဟု ဆိုသည်။
“အဲဒီကယန်းသာယာလမ်းခွဲမှာက စစ်ကောင်စီ ဂိတ်ရှိတယ်။ပြီးတော့ ဒီကောင်တွေ ကင်းပုန်း ဝပ် တာတွေ အဲဒီနားမှာ ဖြတ်သွားရင် တွေ့ရတယ်”ဟု လွိုင်ကော်ဒေသခံတစ်ဦးက People’s Springသို့ ပြောသည်။
ယနေ့ တိုက်ခိုက်မှုတွင် မြေပြင်ရဲဘော် အတည် ပြုချက်အရ အကြမ်းဖက်စစ်ကောင်စီတပ်သား တစ်ဦး သေဆုံးပြီး ၎င်းတို့ဘက်မှ အထိခိုက် ကျဆုံးမရှိဟု အသိပေးသည်။
ထို့ကြောင့် တိုက်ပွဲဖြစ်ပွားရာ လမ်းခွဲတစ်ဝိုက်တွင် ဖြတ်သန်းသွားလာနေကြသော ပြည်သူများ အထူး သတိပြုကာ ရှောင်ရှားသွားလာရန် လွိုင်ကော် PDF က တိုက်တွန်းသည်။