အင်အား ၈၀ခန့်ပါ တပ်မ(၁၁)စစ်ကြောင်းသည် ထီးလင်းမြို့မှ စတင်ထွက်ခွာလာ၍ ထီးလင်း – ကျောက်ထုလမ်းပိုင်း၌ အချိန်မရွေးတိုက်ပွဲ ဖြစ်ပွားနိုင်ကြောင်း Yaw Defence Force Htilin က ထုတ်ပြန်သည်။
အဆိုပါ အကြမ်းဖက်စစ်ကောင်စီစစ်ကြောင်းသည် ယနေ့(မေ ၁၅ရက်) နံနက်၇နာရီခွဲခန့်တွင် အောင်မြင်ရွာ(တောင်ဘက်ရွာ)အနီးသို့ရောက်ရှိနေပြီဟုလည်း အသိပေးသည်။
ထို့ကြောင့် ထီးလင်း-ကျောက်ထုလမ်းပိုင်းတွင် ထိတွေ့တိုက်ပွဲများအချိန်မရွေးဖြစ်ပွားနိုင်သာကြောင့် အများပြည်သူခရီးသွားလာခြင်းများ အထူးဂရုပြုရန် YDF Htilin က တိုက်တွန်းသည်။
“အခုက ကျောက်ထုဘက်ကို ဦးတည်နေတယ်ဆိုပေမယ့်လို့ ဘယ်ကို စစ်ထိုးမယ်ဆိုတာ တပ်အပ်မပြောနိုင်သေးဘူး။နောက်ပြီး စကစ က ထီးလင်းမြို့ရဲ့မြောက်ဖက်ခြမ်းကိုလည်း ဒရုန်းတွေ တောက်လျှောက်လွှတ်နေတယ်”YDF ထီးလင်း တာဝန်ရှိသူတစ်ဦးက People’s Springသို့ ပြောသည်။
Public Service Announcement
ဧပြီကစ၍ ထီးလင်းမြို့နယ်သို့ အင်အား ၁၀၀ကျော်ပါ တပ်မ(၁၁)စစ်ကြောင်းဝင်ရောက်ခဲ့ပြီး မြို့၏အနောက်ဘက်တစ်ကြောကို စစ်ထိုးခဲ့ကာ မေလ ၅ရက်တွင် ထီးလင်းမြို့ပေါ်သို့ ပြန်လည်ရောက်ရှိခဲ့သည်။
စစ်ကြောင်းထိုးစဥ်ကာလအတွင် စစ်ကောင်စီတပ်သားများသည် အရှင်ဖမ်းခံရခြင်း၊တိုက်ပွဲအတွင် သေဆုံးခြင်းနှင့် CDM ဝင်လာသူများကြောင့် စစ်ကြောင်းအင်အားလျော့နည်းသွားခြင်းဟု YDF ထီးလင်းကသုံးသပ်သည်။
