●မေ ၂၀ရက်သာဘွင်ကျေးရွာအနီးတိုက်ပွဲတွင်စစ်သား၃ ဦးသေ၊ဘက်မလိုက်ပြောက်ကျားအဖွဲ့ယာယီစခန်းတစ်ခုဆုံးရှုံး
တနင်္သာရီမြို့နယ် ၊ သာရဘွင်ကျေးရွာအုပ်စု ရွှေဒူးကျေးရွာမှာ ပြည်သူ့ကာကွယ်ရေးတပ်ခေါင်းဆောင်တစ်ဦးဖြစ်သည့် ဦးဆေးတံမှာ မေ ၁၉ ရက် တိုက်ပွဲအတွင်း စစ်ကောင်စီတပ်၏ ဖမ်းဆီးခြင်းခံခဲ့ရပြီးနောက် သတ်ဖြတ်ခံရခြင်းဖြစ်သည်။
ဒီမိုကရေစီတိုက်ပွဲတွင် ကျဆုံးသွားသည့် ဦးဆေးတံအတွက် လေးစားဂုဏ်ယူကြောင်းနှင့် ကျန်ရစ်သူ မိသားစုအတွက်ထပ်တူခံစားရကြောင်း (SWDF)ကထုတ်ပြန်ထားသည်။
မြိတ်ခရိုင်အတွင်းရှိ တနင်္သာရီမြို့နယ်၊ တကူကျေးရွာတွင် ယမန့်( မေ ၁၉ ရက်)ညနေ ၆နာရီခန့် စစ်ကောင်စီတပ်နှင့် ဒေသခံကာကွယ်ရေးတပ်တို့ကြား တိုက်ပွဲဖြစ်ပွားခဲ့ခြင်းဖြစ်သည်။ တကူရွာကို စစ်ကြောင်းထိုးလာသည့် စစ်ကောင်စီတပ်နှင့် ဘက်မလိုက်ပြောက်ကျားအဖွဲ့တို့ တိုက်ပွဲဖြစ်ပွားပြီး စစ်ကောင်စီဘက်က လေးဦး ဒဏ်ရာရရှိခဲ့သည်။
တိုက်ပွဲအတွင်း စစ်ကောင်စီတပ်များက တကူရွာဘက်သို့ လက်နက်ကြီးများ ရမ်းသမ်းပစ်ခတ်ခဲ့၍ အနီးတဝှိုက်ရှိ အင်းရှည်ကုန်း၊ ပြည်အေး၊ ရွာမ၊ သံတိုက်၊ လမိုင်းကော့၊ အလယ်ပိုင်း၊ သာရဘွင် စသည့် ကျေးရွာမှ ဒေသခံ နှစ်ထောင်ကျော်ထွက်ပြေးတိမ်းရှောင်နေရသည်ဟု ဒေသခံများကပြောသည်။
ထိုအပြင် မေ ၂၀ ရက်က တနင်္သာရီမြို့နယ်၊ သာရဘွင်ကျေးရွာအရှေ့ကမ်းတွင်စစ်ကောင်စီတပ်နှင့် ပြည်သူ့ကာကွယ်ရေးတပ်များတိုက်ပွဲပြင်းထန်ခဲ့ပြီး စစ်ကောင်စီတပ်သား သုံးဦးသေပြီး နှစ်ဦးဒဏ်ရာရခဲ့ကြောင်း ဒေသတွင်းမီဒီယာဖြစ်သော The Taninthayi Times သတင်းဌာနကဖော်ပြသည်။ ယမန်နေ့ နံနက် ၉ နာရီမှ ညနေ ၃ နာရီအထိ့ စစ်ကောင်စီတပ်က စစ်ကြောင်းထိုးလာသဖြင့် တိုက်ပွဲပြင်းထန်စွာ ဖြစ်ပွားခဲ့ပြီး ဘက်မဘိုက်ပြောက်ကျားအဖွဲ့၏ ယာယီစခန်းတစ်ခုကို အင်အားမမျှ၍ ဆုတ်ခွာပေးခဲ့ပြီး PDF များကျဆုံးထိ့ခိုက်မှု မရှိဟု ဘက်မလိုက်ပြောက်ကျားအဖွဲ့မှသိ့ရသည်။ စစ်ကောင်စီတပ်က သေဆုံးထိခိုက်မှုရှိသဖြင့် လက်နက်ကြီးများဖြင့် ရမ်းသန်းပစ်ခတ်၍ ဒေသခံပြည်သူ ၆၀၀၀ ကျော်ထွက်ပြေးတိမ်းရှောင်နေရကြောင်း The Taninthayi Times ကဖော်ပြသည်။