မြစ်ခြေမြို့နယ်အတွင်း ကင်းစောင့်နေသည့် စစ်ကောင်စီတပ်သားတစ်ဦးထံမှ MA 1 တစ်လက်လုယူရရှိ

မကွေးတိုင်း၊ မြစ်ခြေမြို့နယ်အတွင်း ကင်းစောင့်နေသည့် စစ်ကောင်စီတပ်သားတစ်ဦးထံမှ MA 1 တစ်လက် လုယူရရှိခဲ့ကြောင်း မြစ်ခြေ – ကျွန်းချောင်း ပြည်သူ့ကာကွယ်ရေးတပ်ဖွဲ့(MC – KC DF)က ယနေ့(မေ ၃၁ ရက်)တွင် ထုတ်ပြန်သည်။

“လောလောဆယ် လုယူခဲ့တဲ့နေရာကို လုံခြုံရေးအရ ကျွန်တော်တို့ မပြောနိုင်သေးဘူး။ဒီကောင်က မူးပြီး ကင်းတဲ မှောက်နေတဲ့အချိန်ရရှိခဲ့တာ”ဟု MC – KC DF တာဝန်ရှိသူက People’s Springသို့ ပြောသည်။

ထို့အပြင် လက်ရှိစစ်ရေးအရ မြေခြေမြို့နယ်ရှိ လမ်းပိုင်းအားလုံးတွင် ဖြတ်သန်းသွားလာနေသော ပြည်သူပိုင်ကားများအနေဖြင့် ကားမှန်တံခါးများအား ချပြီးမှ မောင်းနှင်ရန်လည်း MC – KC DFက အသိပေးသည်။

“အခုက စခလမ်းကြောင်းတွေရှုပ်နေတာ။ဒါကြောင့် တစ်ခုခု မှားဆွဲမိလိုက်ရင် ပြည်သူတွေ နစ်နာမှာဆိုးလို့ပါ”ဟု အထက်ပါတာဝန်ရှိသူက ရှင်းပြသည်။

Public Service Announcement

သတိပေးချက်ကိုလိုက်နာမှုမရှိဘဲ ဖြစ်ပေါ်လာနိုင်သည့် အန္တရာယ်တစ်စုံတစ်ရာဖြင့် ပတ်သက်၍ မြစ်ခြေ – ကျွန်းချောင်း(MC – KC DF)အဖွဲ့မှ လုံးဝ(လုံးဝ)တာဝန်ယူမည် မဟုတ်ကြောင်းလည်းထုတ်ပြန်ချက်၌ ဖော်ပြ သည်။

ယခုလ ၂၈ရက်ကပင် မြစ်ခြေ – စဘေကားလမ်းပိုင်းတွင် ကင်းလှည့်နေသည့် စစ်ကောင်စီတပ်ကို တိုက်ခိုက်ရာ ခုနှစ်ဦးခန့်သေဆုံးနိုင်ကြောင်း မြစ်ခြေ – ကျွန်းချောင်းပြည်သူ့ကာကွယ်ရေးတပ်ဖွဲ့ (MC – KC DF)က ထုတ်ပြန်ထားသည်။