“နန်းထိုက်အောင်စစ်ဆင်ရေး”အဖြစ် စစ်ကောင်စီထောက်တိုင်များကို တိုက်ခိုက်မည်ဖြစ်၍ ယခုလကုန်မတိုင်မီ ပြည်သူနှင့်ပူးပေါင်းရန် ဖြူး PDF သတိပေး

“နန်းထိုက်အောင်စစ်ဆင်ရေး”အစိတ်အပိုင်းအဖြစ် စစ်ကောင်စီထောက်တိုင်များကို တိုက်ခိုက်မည်ဖြစ်၍ ယခုလကုန်မတိုင်မီ ပြည်သူနှင့်ပူးပေါင်းရန် ဖြူးမြို့နယ်ပြည်သူ့ကာကွယ်ရေးတပ်မတော်က ယနေ့(ဇွန် ၄ ရက်) ထုတ်ပြန်သည်။

အကြမ်းဖက်စစ်ကောင်စီ၏ ထောက်တိုင်များအနက် ရဲ၊စစ်သား၊ပျူစောထီးအပါအဝင် မြို့နယ်အဆင့်၊ရပ်ကျေးအဆင့်အုပ်ချုပ်ရေးအဖွဲ့ဝင်များ ပါဝင်ကြောင်း အသိပေးသည်။

သတိပေးချက်ကိုလိုက်နာမှုမရှိပါက နန်းထိုက်အောင် စစ်ဆင်ရေးအဖွဲ့ဝင်များဖြစ်သော ကျား သစ်နက်ပြောက်ကျားစစ်ဆင်ရေးအဖွဲ့၊Arrow အဖွဲ့၊လင်းယုန်၊တောရိုင်းနှင့် New မြို့ပြ ပြောက် ကျားအဖွဲ့များက အပြီးတိုင်တိုက်ခိုက်သွားမည်ဟု ဆိုသည်။

တာဝန်မှ နှုတ်ထွက်ပြီးပြည်သူလူထုနှင့် ပူးပေါင်းလိုသူများအနေဖြင့် ပြည်သူ့ကာကွယ်ရေး တပ်မတော် Phyu၏ လူမှုကွန်ရက်မှတဆင့် ဆက်သွယ်နိုင်ကြောင်း ထုတ်ပြန်ချက်၌ ဖော်ပြ သည်။

Public Service Announcement

မေလ ၂၃ရက်ကလည်း ပဲခူးတိုင်း၊သာယာဝတီမြို့နယ်၌ “နန်းထိုက်အောင်မြို့ပြစစ်ဆင်ရေးအဖြစ်”တပ်မ (၆၆)၏ ခလရ – ၃၅ တပ်ရင်းသို့ ဆန်ရိက္ခာများထောက် ပံ့ပေးနေသော ဆန်စက်အား မိုင်းခွဲတိုက်ခိုက်ထားသည်။

လက်ရှိတွင်”နန်းထိုက်အောင်မြို့ပြစစ်ဆင် ရေး”မှာ ရန်ကုန်တွင်သာမက ပဲခူးတိုင်းနှင့် မွန်ပြည် နယ်အတွင်း၌ပါ ဆောင်ရွက်နေကြောင်း စစ်ဆင်ရေးတာဝန်ခံက People’s Springသို့ ပြောသည်။

ယခုနှစ် ဧပြီ၈ရက်ကစတင်ခဲ့သော နန်းထိုက်အောင်စစ်ဆင်ရေးတစ်လအတွင်း အကြမ်း ဖက်စစ်ကောင်စီတပ်ဖွဲ့ဝင်များနှင့် စစ်ကောင်စီထောက်တိုင် စုစုပေါင်း ၅၅ဦးကို သုတ်သင်ရှင်း လင်းထားပြီး ၆၀ကျော်ဒဏ်ရာရရှိခဲ့သည်ဟု ဆိုသည်။